UZ

Сўнгги янгиликлар

01:35"Зенит" - "Фенербахче" 3:1  1 01:21"Арсенал" - "БАТЭ" 3:0   0 01:16"Наполи" - "Цюрих" 2:0   1 01:14Шота Арвеладзени табриклаймиз!  8 01:10Европа лигаси. 1/16 финал ўйинлари давом этади  4 01:00Olamsport: Шоҳжаҳон Эргашевнинг интервьюси, Харитонов рози бўлди ва бошқа хабарлар  0 00:53Европа лигаси. "Арсенал" 1/8 финалга чиқди ва бошқа натижалар  7 00:35Феллайни: "Юнайтед"дан ҳурматли футболчи сифатида кетдим"  6 00:18Европа лигаси. "Интер", "Челси" ва бошқа жамоаларнинг асосий таркиблари маълум!  4 00:11Азмун "Зенит" асосий таркибидаги дебютидаёқ гол урди  6 23:20Лассана Диарра фаолиятини якунлади  7 22:55Расман: АПЛда ёзги трансферлар ойнаси қачон ёпилиши ва 2019/20 йилги мавсум бошланадиган сана маълум  10 22:38Европа лигаси. "Арсенал" - БАТЭ ва бошқа учрашувларнинг асосий таркиблари маълум!  6 22:34Ўзбекистон олимпия терма жамоаси назорат ўйинида "Локомотив Тбилиси"ни мағлубиятга учратди  20 22:27"Ювентус" акциялари 10 фоизга тушиб кетди  20

ПРО-Лига “А” гуруҳи, 20-тур статистикаси Янгиликлар

ПРО-Лига “А” гуруҳи, 20-тур статистикаси

Хабарингиз бўлса керак, 9 август пайшанба куни ПРО-Лига “А” гуруҳининг 20-тур ўйинлари бўлиб ўтди.

Одатга кўра, поёнига етган учрашувларнинг эътиборга молик жиҳатларига тўхталиб ўтамиз.

ПЕШҚАДАМЛАР ОЧКО ЙЎҚОТДИ

20-тур ўйинлари кўпчиликка кутилмаган сюрпризларни тақдим этди десак муболаға бўлмайди. Боиси пешқадамлар кутилмаганда очко йўқотди. Хусусан, Муборакнинг “Машъал” жамоаси ўз уйида “Норин”ни қабул қилиб нурсиз дурангга имзо чекди. Хаққулободликлар ўтган турда техник-мағлубиятга учраганига қарамай, сафарда “газчилар”ни икки очко йўқотишга мажбур қила олди.

Турнир пешқадамига айланиб олган “Андижон” эса водий дербисида “Истиқлол”га имкониятни бой берди. Фарғоналикларнинг тажрибали ҳимоячиси Тимур Султонов жарима зарбасини аниқ амалга ошириб, учрашув тақдирини ҳал этди.

Суперлига йўлланмаси учун курашаётган яна бир клублардан бири – “Сурхон” ўз майдонида кутилмаганда “Шўртан”га имкониятни бой бериб, кўпчиликни ажаблантирди.

“Машъал - Норин” 0:0
 “Истиқлол” – “Андижон” 1:0
 “Хоразм” – “Орол” 2:2
 “Сурхон” – “Шўртан” 1:3

ГОЛЛАР
* 20-турнинг 4та ўйинида жами 9та гол қайд этилди.
* Ҳар бир учрашувга ўртача 2тадан гол демакдир.
* Мезбон жамоалар томонидан киритилган голлар сони 4тани ташкил этди.
* Қолган 5та тўп меҳмонлар ҳисобига ёзилди.
* Учрашувларнинг биринчи бўлимида 5та гол қайд этилган бўлса, иккинчи таймда яна 4та тўп киритилди.
* Энг кўп гол урган жамоа – “Шўртан” бўлди. Ғузорликлар сафарда “Сурхон” дарвозасини нақд 3 маротаба аниқ нишонга олди.
* “Машъал”, “Норин” ҳамда “Истиқлол” жамоалари ушбу турда ўз дарвозаси даҳлсизлигини сақлаб қолишга эришди.
* Турнинг энг тезкор голи 27-дақиқада киритилди. “Орол” ҳужумчиси Наврўз Ҳаипов сафарда “Хоразм” дарвозасини биринчи бўлиб ишғол этиб, ҳисобни очишга муваффақ бўлди.
* Турнинг энг сўнгги голи ҳам айнан “Хоразм” – “Орол” учрашувида қайд этилди. Урганчлик Темур Бекчанов 81-дақиқада “Орол” дарвозасига иккинчи тўпни киритиб, жамоасини мағлубиятдан қутқариб қолди.
* 20-турдага ўйинларни бошқариб борган ҳакамлар битта пенальти белгилади. “Орол” дарвозаси томон кўрсатилган 11 метрлик тўпини “Хоразм” ҳужумчиси Тимур Бекчанов аниқ амалга ошира олмади.
* Эътиборлиси ушбу турда ҳам дублга эришган футболчилар учрамади.

20-турда кимлар гол урди?
1. Тимур Султонов – “Истиқлол”.
2. Айбек Нурбоев – “Хоразм”.
3. Тимур Бекчанов – “Хоразм”.
4. Наврўз Ҳаипов – “Орол”.
5. Бобур Фарҳодов – “Орол”.
6. Сардор Эминов – “Сурхон”.
7. Аббос Ғуломов – “Шўртан”.
8. Маъруф Муродов – “Шўртан”.
9. Фарҳод Намозов – “Шўртан”.

ОГОҲЛАНТИРИШ ВА ЧЕТЛАТИШ
Футболда қўполликлар ва ўйин қоидаси бузилиш холатлари учраб туриши табиий хол.

* 20-тур ўйинларида ҳам ҳакамлар бир нечта футболчиларни сариқ ва қизил карточка билан “сийлади”.
* Хусусан 4та ўйинда ҳакамлар жами 17 нафар футболчини сариқ карточка билан огоҳлантирган.
* Бу эса ҳар бир баҳсга ўртача 4тадан огоҳлантириш демакдир.
* Қўполликларга бой тарзда кечган ўйин деб “Истиқлол” – “Андижон” қарама-қаршилигини айтиш мумкин. Учрашув бош ҳаками Акобирхўжа Шукуруллаев ҳар икки жамоадан 3 нафар футболчини сариқ карточка билан “сийлади”. Шунингдек ўйин сўнггиларида меҳмонлар сардори Иброҳим Отахановга тўғридан-тўғри қизил карточка кўрсатиб, майдондан четлатди.
* Муборакда кечган “Машъал” – “Норин” учрашувида эса аксинча холат юз берди. Ўйин бош ҳаками Олим Толибжонов шу куни фақат “газчилар”нинг икки нафар ўйинчисини огоҳлантирди холос.
* “Норин” жамоаси футболчилари ушбу турда бирорта ҳам сариқ карточка олмасдан, тартиб-интизом бўйича бошқаларга намуна бўлди.
* Мезбон жамоаларнинг 9 нафар футболчисига сариқ карточка кўрсатилган бўлса, қолган 8та огоҳлантириш меҳмонларга ёзилди.
* Юқорида айтиб ўтганимиздек, 20-турда битта қизил карточка кўрсатилди. “Андижон” жамоаси сардори Иброҳим Отахонов сафарда “Истиқлол”га қарши баҳснинг сўнгги дақиқаларида қизил карточка олиб, майдонни шерикларидан олдинроқ тарк этишга мажбур бўлди. Якунда унинг жамоаси мағлуб бўлди.

20-турда кимлар сариқ карточка олди?
1. Хусниддин Алиқулов – “Машъал”.
2. Санжар Зокиров – “Машъал”.
3. Сардор Теляков – “Истиқлол”.
4. Ҳамидулло Абдуҳамидов – “Истиқлол”.
5. Анвар Хожимирзаев – “Истиқлол”.
6. Қадамбой Нурметов – “Андижон”.
7. Фарҳод Мираҳматов – “Андижон”.
8. Нодирхон Камолов – “Андижон”.
9. Наврўз Алимов – “Хоразм”.
10. Тимур Бекчанов – “Хоразм”.
11. Сардор Матмуротов – “Хоразм”.
12. Дамир Низанов – “Орол”.
13. Улуғбек Қутибоев – “Орол”.
14. Сирожиддин Аллаев – “Сурхон”.
15. Сирожиддин Раҳматуллаев – “Шўртан”.
16. Олим Каримов – “Шўртан”.
17. Ислом Бойсариев – “Шўртан”.

ЭНГ КЎП МУХЛИС ТЕРМИЗДА
* 20-турнинг 4та ўйинига жами 5641 нафар томошабин ташриф буюрган.
* Бу эса ҳар бир учрашувга ўртача 1410та мухлис демакдир.
* Энг кўп томошабин Термиз шаҳридаги “Алпомиш” ўйингоҳига ташриф буюрган.
* Муборакдаги “Баҳром Вафоев” номли стадионда эса аксинча вазият кузатилди.
 
Томошабинлар ташрифи кимда қандай?
“МАШЪАЛ” – “НОРИН” 0:0

Муборак. “Б. Вафоев” стадиони. 765 томошабин.
“ИСТИҚЛОЛ” – “АНДИЖОН” 1:0
Фарғона. “Истиқлол” стадиони. 1456 томошабин.
“ХОРАЗМ” – “ОРОЛ” 2:2
Урганч. “Ёшлик” стадиони. 905 томошабин.
“СУРХОН” – “ШЎРТАН” 1:3
Термиз. “Алпомиш” стадиони. 2515 томошабин.

НАВБАТДАГИ ТУРДА УЧРАШАДИЛАР
21-тур.
15 август (чоршанба)

«Орол» - «Сурхон»
«АНДИЖОН» - «Хоразм»
«Норин» - «Истиқлол»
Динамо» - «Машъал»
«Шўртан» дам олади


Рейтинг:    

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг