«БУХОРО» – «НАСАФ»
29 октябрь. Бухоро. “Бухоро” стадиони. 16:00
Ҳакамлар: Р.Эрматов, А.Расулов, Ж.Саидов, В.Серазетдинов.
Назоратчи: Р.Мўминов.

Натижалар “Насаф”нинг устунлигини кўрсатмоқда. “Аждарлар” 14та ўйинда ғолиб бўлишган. “Бухоро” шу кунгача “Насаф”ни 9 марта мағлуб этган. 8та учрашувда дуранг қайд этилган. Тўплар нисбатида ҳам “Насаф” олдинда - 50:36. Ўзаро ўйинларда “Насаф” 50 очкони, “Бухоро” эса 35 очкони қўлга киритган.

“Насаф”нинг ўзаро ўйинларда қозонган энг йирик ғалабаси – 6:0га тенг. “Бухоро”нинг энг йирик ғалабаси эса 5:1 бўлиб турибди.

Биринчи давранинг 3-турида Қаршида бўлиб ўтган ўйинда мезбонлар уч очкога эга бўлишган. Алишер Юсупов (иккита) ва Илҳом Шомуродов урган голларга меҳмон жамоа таркибида Воҳид Шодиев жавоб берган – 3:1. Ўша ўйиннинг 82-дақиқасида бош ҳакам “Бухоро” дарвозабони Сардор Қобулжоновни майдондан четлатганди. Бошқа ўзгариш қолмагани сабабли дарвозани ҳимоячи Георгий Квесиешвили эгаллашга мажбур бўлганди.

Бухорода бўлиб ўтган сўнгги беш учрашув:
26.06.2012 «Бухоро» - «Насаф» 1:0
22.04.2011 «Бухоро» - «Насаф» 1:1
07.03.2009 «Бухоро» - «Насаф» 0:1
18.05.2008 «Бухоро» - «Насаф» 3:0
22.09.2007 «Бухоро» - «Насаф» 1:0

Ўзаро ўйинлар ҳақида факт: Бухорода ўтган 15та ўйиннинг 9тасида мезбонлар ғалаба қозонишган. 4та ўйин дуранг натижаси билан ниҳоясига етган. “Насаф” шу кунгача сафарда “Бухоро”ни икки бор мағлуб этган. Охирги икки ўйинда “Насаф” сафарда ғалаба қозона олмаган.

ПРЕВЬЮ. «БУХОРО» – «НАСАФ»