Туринликлар футболчининг дисквалификацияси бекор бўлишига ишонишмаяпти. Шу сабабли клубнинг энг кўп ойлик олувчи футболчисига бекорга маош тўлашмоқчи эмас. Погба ва «Ювентус» ўртасидаги шартнома 2026 йилнинг ёзига қадар мўлжалланган.
Эслатиб ўтамиз, ўтган йилнинг август ойида Франциялик ярим ҳимоячи допинг-тестдан ижобий ўтган эди. 29 февраль куни антидопинг суди футболчини 4 йилга дисквалификация қилиш қарорини тасдиқлади. Погба суд қароридан сўнг апелляция берганди.
