"Баъзида ўйинларга кетаётганимда фамилиям ёзилган футболкаларни кийган мухлисларни кўраман. Улар учун намуна бўлаётганимдан хурсандман.
Бу ерда имкон қадар узоқ қолиб, жамоага кўпроқ ғалабалар қозонишида ёрдам беришни хоҳлайман. Биз бунга қодир эканимизни биламан. Буни амалда кўрсатишимиз керак. Баъзида сўзлар баланд янграйди, аммо ҳаракат ҳам қилиш зарур.
Виржил ван Дейк яқинда Собослаининг лидерлик сифатларини юқори баҳолаган эди. Венгриялик футболчи бу ҳақда: "Бундай сўзларни ундан эшитиш — бутунлай бошқача. Бу ҳақда ўзим гапиришим шарт эмас", — деди футболчи.
Собослаидан "Ливерпуль" капитани бўлишни хоҳлайсизми, деб сўралганда эса у аниқ жавоб берди:
"Албатта. Менимча, “Ливерпуль” капитани бўлишдан шарафлироқ нарса йўқ. Бу вазифани мамнуният билан қабул қилардим".
