Подольски: Суарес билан бир жамоада ўйнаш шараф

Эслатиб ўтамиз, кеча клуб футболчи учун 40 млн фунт таклиф билан чиққан эди. Подольскига келадиган бўлсак, у Суареснинг клубга ўтишидан жуда хурсанд бўларди. Чунки у премьер-лиганинг энг кучли футболаридан бири билан бир жамоада ўйнашидан боши осмон эканлиги айтган. Шунинг учун бу қарор бўйича клуб раҳбарияти ва мараббийлар штабини қўллаб қувватлашини айтиб ўтган.

“Суарес – ажойиб ўйинчи. У жуда кўп гол уради, бу эса уни юқори маҳорат эгаси эканлигидан далолат беради. Лекин унинг жамоа сафига ўтишини мен ҳал қилмайман, буни мураббийлар кўриб чиқади”, - дейди Подольски.

“Тўғрисини айтсам жамоага янги ўйинчилар келганда жуда хурсанд бўламан. Ҳар доим дунёнинг энг кучли футболчилари билан бир жамода ўйнашни истагинг келади, лекин мен уларнинг машҳур номларидан ҳеч ҳам қўрқмайман. Қачонки жамоанинг барча ўйинчилари соғ-саломат бўлишса ва ўйинга иштиёқи баланд бўлса шунда жамоада рақобат кучаяди, рақобат эса ўз-ўзидан жамоани олдинга силжишига катта ёрдам беради”.