UZ

Сўнгги янгиликлар

21:15Марсело: "Реал" қўшимча кучга муҳтожми? Йўқ, бизда яхши жамоа бор"  0 20:55Аргентина термаси ФИФА кунлари икки ўртоқлик ўйини ўтказиш учун якуний таркибини эълон қилди  2 20:35Лукаку Санчесни "Интер"га чорламоқда  4 20:10Рибери Флоренция клуби билан музокаралардан сўнг тез орада трансфер бўйича қарор қабул қилади  0 19:50"Барселона" раҳбарияти ПСЖ ҳужумчиси Неймар трансфери бўйича юбориладиган таклифни қўллаб-қувватлади  14 19:35Икардининг хотини уни "Монако"га ўтаётгани борасидаги хабарни инкор этди  8 19:15АПЛ. Илк 2 ўйинида энг кўп гол урган футболчилар  7 18:43Давид Луис кетишига Лэмпард сабаб бўлганини айтди  5 18:20Ижарага бериб юборилган энг қиммат футболчилар  6 18:01Ўзбекистон U-19 терма жамоаси Иорданияда 2 та ўртоқлик ўйини ўтказади   5 17:51Омар Моманидан карикатура: Икки Лондон клубида ўйнаган Эшли Коул фаолиятини якунлади  7 17:28Симеоне Феликс ҳақида: "Биргина индивидуал ҳаракати билан нималарга қодир эканлигини кўрсатди"  11 17:10Б Про-лига 16-тур учрашувларида ишлайдиган расмий шахслар рўйхати  3 16:54"Бўрилар" "Қизил иблислар"га қарши, бугун ўтказиб юбориш тавсия этилмайдиган ўйин превьюси  26 16:44Coca-Cola Ўзбекистон кубоги: Чорак финал учрашувларида ишлайдиган расмий шахслар рўйхати  21

ПФЛ “Бунёдкор”, “Навбаҳор”, “Бухоро”, “Металлург”, “Қўқон-1912”, “Сўғдиёна” ва “Нефтчи”ни расман огоҳлантирди Янгиликлар

ПФЛ “Бунёдкор”, “Навбаҳор”, “Бухоро”, “Металлург”, “Қўқон-1912”, “Сўғдиёна” ва “Нефтчи”ни расман огоҳлантирди

Суперлигада 12та клуб иштирок этаётган бўлса, уларнинг ҳаммасида ҳам майдон ҳолати талабга жавоб бермайди.

Ўзбекистон Профессионал футбол лигаси “Пахтакор”, “Локомотив”, “Насаф”, “Қизилқум” ҳамда АГМК клубларининг уй стадионларидаги майдон чими талаб даражасида деб ҳисоблайди. Қолган жамоалар эса бу борада иш олиб бориши шарт. Бироқ барчага маълумки, стадион чимини тартибга келтириш бирданига бўладиган иш эмас.

Айни вақтда ПФЛ клублар инфратузилмаси, штат жадвалини тартибга келтириш борасида қатор ишларни амалга оширмоқда. Шунингдек, майдонлар сифати ҳам бунда асосий планда бўлиши лозим. “Спорт” телеканали билан келишувга кўра, Суперлиганинг барча учрашувлари трансляция қилиб келинмоқда. Бунда жонли репортажлар салмоқли ўрин тутади. Мана шундай вақтда айрим стадионлардаги ачинарли ҳолатлар кўзга яққон ташланиб турибди.

Ҳозирда Профессионал футбол лигаси учун бирор-бир клубнинг чемпион бўлиши ёки совринли ўринни қўлга киритиши бирламчи ўринда эмас. Бу клублар ўртасидаги ўзаро рақобатдан келиб чиқадиган ҳолат. ПФЛ учун клубнинг аслида қандай ташкил этилгани ва унинг талабларга қанчалик жавоб бериши муҳим ўрин тутади. Мадомики улар айни вақтда давлат корхоналари томонидан молиялаштирилаётган экан, биринчи ўриндаги вазифа моддий техник базани яхшилаб олиш бўлиши керак.

Шундан келиб чиқиб, Профессионал футбол лигаси “Бунёдкор”, “Навбаҳор”, “Бухоро”, “Металлург”, “Қўқон-1912”, “Сўғдиёна”, “Нефтчи” каби Суперлига клубларини, шунингдек, 2019 йилги мавсумда катта эҳтимол билан элитага чиқиши мумкин бўлган клубларни майдонлар сифатини яхшилаш бўйича расман огоҳлантиради. Тўғри, “Нефтчи”, “Бунёдкор” каби клублар тўп сураётган майдонлар нисбатан яхшироқ. Бироқ улар ҳам юқорида ижобий маънода ажратиб кўрсатилган клублар майдони билан рақобатга кириша олмайди.

Суперлига ҳамда мазкур лига учун ҳаракат қилаётган Про-Лига клубларида майдон талаби кўнгилдагидек бўлмаса, улар сентябрь ойида ПФЛга ўз режасини тақдим этиши шарт. ПФЛ майдонлар сифати, бунинг учун кетадиган аниқ сарф-ҳаражат борасида ўз таклифини беришга тайёр. Кейинчалик эса талаб анча жиддий бўлади. Яъни, майдон сифати талаб даражасида бўлмаган клублар ўз учрашувларини уйда ўтказа олмайди. Олдинда вақт бор. 2019 йилги мавсум учун қадамлар ҳозирданоқ ташланиши керак.


Рейтинг: +29   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг