UZ

08 май 12:56
Янгиликлар

"Пахтакор": Ўзбекистон Кубоги. Нимчорак финалдаги рақиб "Қўқон-1912"

10 май куни Ўзбекистон Кубогининг нимчорак финал дастлабки учрашувлари бўлиб ўтади.
"Пахтакор" бу сафар биринчи лиганинг шарқий минтақасида пешқадамлик қилаётган "Қўқон-1912" жамоаси меҳмони бўлади. Олий лигага чиқишни олдига асосий мақсад қилиб қўйган қўқонликлар ҳозирча мағлубиятсиз одимлашмоқда. Кубокнинг аввалги босқичида бу жамоа "Нефтчи"дан пенальтилар сериясида устун келганди.

Мавсумни Тоҳир Кападзе қўл остида бошлаган "Қўқон-1912"га бир неча ҳафта олдин Рустам Абдуллаев бош мураббий этиб тайинланди. Жамоа таркибида Андрей Бакланов, Азиз Ашуров, Жалил Кимсанов, Хуршид Узоқбоев, Нодир Қўзибоев, Али Йўлдошев, Азиз Тўхтабоев сингари олий лигада ўзларини кўрсатган футболчилар бор.

Шу пайтга қадар жамоалар кубок баҳслари доирасида тўқнаш келишмаган. Олий лигадаги 18 учрашувнинг 11тасида "Пахтакор", 5тасида "Қўқон-1912" зафар қучган. 2 ўйинда дуранг қайд этилган. Жамоамиз 53 бор, рақиб 30 марта тўп киритган. Охирги марта 2003 йилда олий лигада ўйинлар бўлиб ўтган. Ўшанда жамоалар ўз майдонларида зафар қучган. Тошкентда 5:1, Қўқонда 3:2 ҳисоби кузатилган.

Ушбу жуфтликда ўзбек футболининг илк ташкил топган жамоаси ва энг совриндор жамоаси баҳс олиб боради. 10 май, шанба куни Қўқон шаҳридаги марказий стадиондаги учрашув соат 17:00да бошланади.


«ҚЎҚОН-1912» - «ПАХТАКОР»

Ҳакамлар:
Рустам Бобомуродов (Навоий), Файзулло Ҳасанов (Наманган), Раҳим Ғофуров (Наманган), Рустам Толибжонов (Қўқон).

Назоратчи: Артём Арутюнов (Тошкент).
Рейтинг:    

Фикрлар

< сўнгги янгиликларни кўриш

Энг яхшилар

"Эл-Классико"гача...
Бугун "Сантьяго Бернабеу"да "Реал" ҳамда...  221
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: