Ушбу байрам муносабати билан "Пахтакор" клуби "Жар"нинг иккинчи майдонида болалар учун байрам ташкиллаштириб берди. Тадбирда клуб ходимлари фарзандлари, академия тарбияланувчилари ва имконияти чекланган ҳамда даволанаётган болажонлар иштирок этмоқда. Тошкент клуби байрам муносабати билан кичик меҳмонларга турли ўйинлар ўтказади, саҳна кўринишлари ва концерт дастурини намойиш этади. Кечга яқин эса болалар иштирокида кичик футбол турнири ўтказилади.
