Ўзбекистон U20 кундалигидан

Йигитлар ҳали уйғонишгани йўқ. Трабзонда соат ҳали 9:00 бўлгани йўқ.

Футбочлиларимизни, ўйингача, бир қатор қизиқ нарсалар кутиб тургани аниқ.

Масалан, терма жамоа бош мураббийи томонидан ташкил этилган сўровнома. Унда шундай дейилади:

«6 июль куни ғалаба қозонганлар 14 июль куни уйга кетишади. Биз шуни хоҳлаймизми? 12 июль куни эса Жамшид Искандеровнинг гипсини ечамиз ва 13 июль куни Истанбулда бўладиган ўйин охирида майдонга туширамиз. Хоҳласам тушираман!

Мусаев А.»

Ушбу фикрни қўллаб-қувватлаб, ҳозирча икки киши имзо чеккан. Охир-оқибат терма жамоа шифокори ҳам шу фикрга қўшилса керак.

Хўш, бундан ташқари, терма жамоамизнинг массажчи-шифокори Василий Фёдорович (Кишкин)дан навбатдаги ажойиб плакат (деворий газета). Бу ерда биз ортиқча бир сўз қўша олмаймиз:

Бугун бутун терма жамоа – мураббийлар штабию, футболчилар, техник ходимлари раҳбарлар – ҳамма-ҳаммаси бир мақсад йўлида – бугунги куннинг иккинчи ярми учун мўлжалланган режаларимиз ўзгармаслиги учун бор куч-ғайрати билан ҳаракат қилади. Бунга шубҳа қилмаса ҳам бўлади.

Шунда ҳамма хурсанд бўлади: футболчилар ҳам, мураббийлар ҳам, делегация аъзолари, раҳбарлар… охир-оқибат, 30 миллион кишилик халқимиз!

ЎЗБЕКИСТОН ЁШЛАР ТЕРМА ЖАМОАСИНИ ҚЎЛЛАБ-ҚУВВАТЛАНГ, УНГА ОМАД ТИЛАНГ ВА ТЕРМА ЖАМОАМИЗГА ИШОНИНГ!