UZ

Сўнгги янгиликлар

11:45U-17 Осиё чемпионати саралашига қуръа ташланди. Ўзбекистон Жанубий Корея билан бир гуруҳдан жой олди  2 11:28Себальос ёзда "Реал"дан кетади  0 11:04Де Брюйне "Манчестер Сити"да қолади  3 10:40Мбаппе: "Макрон ва Саркози менга ПСЖда қолишни маслаҳат беришди"  14 10:18"Рома" Дибалага таклиф жўнатди. Тотти унга 10-рақамни беришга тайёр  6 09:55Тен Хаг Роналду ва клубдаги мақсадлари ҳақида гапирди  5 09:45Кавани МЮ 7-рақамни ундан тортиб олиб, Роналдуга берганидан жаҳли чиққан  5 09:30ПСЖ Почеттинони яна бир йилга қолдириб, кейин АПЛ гранди мураббийини жамоага олиб келмоқчи  12 09:15Бундеслига. “Герта” ва “Гамбург” ўртасида плей-офф учрашуви бўлиб ўтди  0 09:00Ибрагимович: “Ваъда бергандим ва уни уддаладим. Менга ишонишмаганди”  8 08:50Френки де Йонг МЮга эмас, бошқа клубга ўтиши мумкин  3 08:35АПЛ. Салоҳ Оуэн билан тенглашди, олдинда эса фақатгина икки футболчи бор  5 08:25Пиоли учун хушхабар  5 08:10Мбаппе АПЛ клуби билан ҳам музокаралар бўлганини ошкор қилди  10 07:50Суперлига. Бугун 10-турга якун ясалади  9

Ўзбекистон U-20’нинг ЖЧ-2013 чорак финалида Францияга қарши ўйнайди Янгиликлар

Ўзбекистон U-20’нинг ЖЧ-2013 чорак финалида Францияга қарши ўйнайди

2 июль куни Туркияда давом этаётган ёшлар ўртасидаги жаҳон чемпионати нимчорак финал учрашувлари старт олди.
Дастлабки кун ўтказилган ўйинлар натижасига кўра, мусобақа чорак финалида иштирок этувчи тўрт жамоа ва икки жуфтлик маълум бўлди.

Ўз тарихида илк бор гуруҳдан кейинги босқичга чиқиш вазифасини уддалаган Ўзбекистон ёшлар терма жамоаси 2 июль куни бошқа бир тарихий натижани қайд этди – Греция ёшлар терма жамоасига қарши нимчорак финал ўйинида Аҳмаджон Мусаев шогирдлари 3:1 ҳисобида ғалаба қозониб, Ўзбекистон терма жамоалари тарихидаги энг яхши иккинчи натижани қайд этишди.

Шубҳасиз, Аҳмаджон Мусаев шогирдларида Ўзбекистон терма жамоаларининг жаҳон чемпионатлардаги иштироки тарихидаги энг яхши натижани қайд этиш учун имконият мавжуд. Бунинг учун Ўзбекистон ёшлар терма жамоаси 6 июль, шанба куни Ризе шаҳрида ўтказиладиган чорак финал ўйинида ўйинида ғалаба қозонишлари талаб этилади.

2 июль куни бўлиб ўтган нимчорак финал ўйинлари натижаларига кўра, Ўзбекистон ёшлар терма жамоасининг чорак финалдаги рақиби номи маълум бўлди. Мусобақа мезбони – Туркия ёшлар терма жамоасини ишонч билан йирик – 4:1 ҳисобида мағлубиятга учратган Франция ёшлар терма жамоаси ярим финал йўлланмаси учун ўйинда Ўзбекистонга қарши саф тортади. Эътиборли томони, Франциянинг тўрт голи тўрт футболчи номига ёзилди.

Қолган икки нимчорак финал учрашувларига кўра, 6 июль куни Бурса шаҳридаги “Отатурк” стадионида ўтказиладиган чорак финал жуфтлиги иштирокчилари маълум бўлди. Унга кўра, Истанбулда Нигерия ёшларини мағлубиятга учратган Уругвай термаси “ўз уйида” Испанияни қабул қилади – мусобақа ғолиблигига энг асосий даъвогар ҳисобланган испанлар сешанба куни Мексика терма жамоаси устидан қийин, бироқ иродали ғалабага эришишди.

3 июль куни нимчорак финал учрашувлари доирасида қуйидаги учрашувлар бўлиб ўтади (ўйинлар Тошкент вақти билан кўрсатилган):

20:00. Португалия – Гана
20:00. Хорватия – Чили
23:00. Колумбия – Жанубий Корея
23:00. Ироқ - Парагвай

U-20 ЖЧ-2013
Нимчорак финал учрашувлари


2 июль, сешанба
Нигерия – Уругвай 1:2 (0:0)
Голлар:
Оларенважу Кайоде (69) – Николас Лопес (65, 84, пенальти)

Греция – Ўзбекистон 1:3 (1:1)
Голлар
: Константинос Стафилидис (33, пенальти) – Аббосбек Махсталиев (26), Игорь Сергеев (62, пенальти), Сардор Раҳмонов (83, пенальти)

Франция – Туркия 4:1 (2:0)
Голлар:
Жоффри Кондогбия (18), Жан-Кристоф Баэбек (34), Яя Саного (67), Жордан Верету (73) – Синан Бакис (77)

Испания – Мексика 2:1 (0:1)
Голлар:
Дерик (74), Йесе (90) – Артуро Гонсалес (2).

ЧОРАК ФИНАЛ ЖУФТЛИКЛАРИ


6 июль, шанба
20:00. Франция – Ўзбекистон
23:00. Уругвай – Испания

7 июль, якшанба
20:00. Ироқ/Парагвай – Колумбия/Жанубий Корея
23:00. Португалия/Гана – Хорватия/Чили
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика