Ўзбекистон терма жамоаси кеча юбилей ғалабасини қўлга киритди
11 окт 2019 15:50
Янгиликлар

Ўзбекистон терма жамоаси кеча юбилей ғалабасини қўлга киритди

Теглар : Ўзбекистон МТЖ ЖЧ-2022 саралаш

Кеча Ўзбекистон миллий терма жамоаси ЖЧ-2022 саралаши доирасида Яманни 5:0 ҳисобида мағлуб этди.

Ушбу ғалаба терма жамоамиз учун мундиал саралашларидаги юбилей 50-ғалаба бўлиб тарихдан жой олди.

Кечаги ўйин Ўзбекистон учун ЖЧ саралашларидаги 96-учрашув эди. Бу ўйинларда терма жамоамиз 50та ғалабадан ташқари 19та дуранг ва 27та мағлубият қайд этган.

Саралашларидаги тўплар нисбатимиз ажойиб: 182:97.

Эслатиб ўтамиз, Ўзбекистон навбатдаги баҳсни 15 октябрь куни Сингапурга қарши сафарда ўтказади.