UZ

Сўнгги янгиликлар

02:00Ўртоқлик ўйинлари. Чили қийинчилик билан зафар қучди, Данияда йирик ғалаба, Колумбия эса Жазоирга ютқазди  0 01:50Евро-2020 йўлланмасини нақд қилган навбатдаги терма жамоа маълум бўлди  0 01:35Евро-2020 саралаш. Италия Лихтенштейнни тор-мор этди, Родригонинг 90+2 дақиқадаги голи Испанияни мағлубиятдан қутқарди ва бошқа натижалар  3 00:55Модрич қачон сафга қайтиши маълум  0 00:20Баҳрайн терма жамоаси 7 йилдан сўнг, Ўзбекистоннинг натижасини такрорлади  19 23:34ЖЧ-2022 саралаш. Ён қўшниларимиз 4-турни қандай ўтказишди?  9 23:30ЖЧ-2022 саралаш. Баҳрайн кутилмаганда Эронни таслим этди, Қатар эса Уммондан устун келди  29 23:10Евро-2020 саралаш. Швеция – Испания, Лихтенштейн – Италия ва бошқа учрашувларнинг асосий таркиблари маълум  9 22:55Евро-2020 саралаш. Пуккининг дубли Финляндияга йирик ғалаба тақдим этди  2 22:35Роппа-роса 9 ой ўтиб, Ўзбекистон МТЖ кетма-кет 2та расмий ўйинда зафар қучди  33 22:20Шомуродовнинг голли серияси 4та ўйинга етди  37 21:49Coca-Cola Суперлигаси 22-тур учрашувлари бошланиш вақтлари  12 21:45"Golden Boy 2019" давогарларининг трансфер нархлари билан танишинг  2 21:41"Имкон" - Фарғона вилояти чемпиони!  2 21:36Сингапур бош мураббийи: "Ўзбекистон ҳар томонлама биздан кучлилик қилди"  65

Ўзбекистон мухлислар клуби кечаги ўйин ҳақида Янгиликлар

Ўзбекистон мухлислар клуби кечаги ўйин ҳақида

Аввало барчангизни муносиб ғалаба билан табриклайман! Айниқса йигитларимизга тасанно, улар Греция билан бўлган учрашувда ўзларидан кутилганиданда яҳши ўйин кўрсатдилар.
Туркиядаги мухлислар ҳақида хабар ёзмаганимизга ҳам анча бўлди. Сабаби Уругвай билан бўлган учрашувдан кейин “тарвузларимиз қўлтиғимиздан тушгандек” эди, шукурким бу мағлубият Греция билан бўлган ўйиндан сўнг ҳудди тренерский тактикадек туйилди.

Демак янгиликларга ўтамиз Анталиядаги учрашувдан сўнг аксарият мухлислар Ўзбекистонга қайтиб кетишди. 80га яқин ватандошларимиз эса Истанбулда ярим финал баҳсини кутиб туришибти аллоҳ насиб қилса Истанбулда яна бирлашамиз, Анталиядан Газиантеп шаҳрига фақат автобусда борса бўлар экан ва йўлдаги вақт 14 соатни ташкил этади.

11 кишидан ташкил топган мухлислар 30 июнь куни кеч соат 19:30да Газиантепга йўлга чиқдик ва тонг соат 9:00да манзилга етиб келдик.

Шаҳар тоғ ҳудудида жойлашган бўлсада об-ҳавоси Ўзбекистонни эслатади. Шаҳар гавжум аксарият аҳоли курд миллатига мансуб лекин кўпчилик турк тилида суҳбатлашишар шаҳар кўчаларида Сурия рақамларида ҳаракатланувчи автомашиналар ҳам учраб туради.

Эгнимизда Ўзбекистон ёзувли футболкани кўрган маҳаллий аҳоли футбол куни биз албатта сизларга мухлислик қиламиз Юнонистонни енгасиз, деб далда бўлишарди,  мана ҳаяжон ила кутилган 2 июль санаси ҳам келди, соат 15:00 биз жойлашган меҳмонхонадан стадионга қадар 1 километрлик масофа ва биз бу масофани пиёда босиб ўтишга аҳд қилдик. Барчамиз Ўзбекистон рамзларидаги кийим бошларимизни кийиб ноғораларни чалиб стадион сари йўлга чиқдик, барчаси биз кутганданда аъло даражада кечди Газиантеп кўчаларида барча бизни қўллаб-қувватларди, автоуловлар эса тинимсиз сигнал чалишиб бизни олға чорлашарди, стадионга келганимизда кўплаб “Газиантепспор” мухлислари бизга қўшилишди!

Жамоамиз автобусини қайси йўлдан стадионга киришини билиб олдиндан режалаштирган энг муҳим вазифамизни бажариш ҳаракатини қилдик, биринчи бўлиб стадионга греклар автобуси кириб келди уларни чиройли дўстона қарсаклар билан кутиб олдик, орадан 3-4 дақиқа ўтиб Ватанимиз жамоаси автобуси ҳам кириб келди. Биз олдиндан тайёрлаб қўйилган бироз қўпол сўзлар ёзилган бўлсада ЙИГИТЛАРНИ ВАТАН УЧУН ОЛҒА ЧОРЛОВЧИ БАННЕРни кўтардик ва уни деярли барча футболчилар ўқишди!

Баннерда Улар бугун 30 000 000 ўзбекистонликлар учун майдонга тушишларини англатувчи сўзлар ва рус тилида "УМРИ, НО ПОБЕДИ" деган ёзувлар бор эди. Албатта биз баннеримиз иш берди демоқчи эмасмиз!

Эсингизда бўлса Гуанжоуда бўлган Осиё ўйинларида ҳам олимпия терма жамоамиз 1/8  финалига гуруҳдан 3-ўрин билан чиқганида худди шунга ўхшаш баннер ёзган эдик! Буни ҳам бир яхши ниятда ёздик. Ўйин вақтида эса стадионга ташриф буюрган туркиялик мухлисларнинг барчаси биз билан бирга ЎЗ-БЕ-КИС-ТОН дея жамоамизни қўллаб-қувватлашди. БАРЧАМИЗГА БУЮК ҒАЛАБАЛАРДАН БИРИ МУБОРАК БЎЛСИН !!!

Энди биз 3 июль куни Газиантепдан 600 километр узоқда жойлашган Ризо шаҳрига йўл оламиз. У ерда Францияга қарши 1/4 финал учрашувида жамоамизнинг ҳақиқий 12-ўйинчиси бўлишга ҳаракат қиламиз.

Барчангизга хурмат ва эҳтиром билан бир гуруҳ Ўзбек мухлислари.


Абдураҳмон Фозилов Газиантеп шаҳридан
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг