Ўзбекистон футбол ассоциациясига саволлар
18 фев 16:00
Янгиликлар


Ўзбекистон футбол ассоциациясига саволлар
Эсингиздами, 28 ноябрь куни ЎФА матбуот хизмати ташкилот Этика қўмитаси томонидан қабул қилинган 04/2020, 05/2020 – сонли қарорларни эълон қилди — Жасур Мухторов, Аскер Наджафалиев ва Темур Тўхтасинов жазога тортилди (аниқроғи, жазоланганлар орасида фақат шуларнинг номи оммага ошкор қилинди ва урғу "сотилган" ҳакамларга қаратилди).
Шундан кейин бу мавзуга бир неча бор тўхталдик ва ҳар гал адолат қарор топиши учун клубларни ҳам жазолаш кераклигини айтдик. Ўшанда ФА мутасаддиси жавоб қайтарди: бу 1-2 кунда битадиган иш эмас, кутиш керак. Мана, 1 ёки 2 эмас, 72 кун кутдик. Тез орада янги мавсум старт олади. Натижа? Албатта, натижа бор: яна бир неча нафар ҳакамлар ва футбол ичидаги кишилар жазога тортилди. Клублар масаласи эса ҳамон очиқлигича қолмоқда. Бизда бу масалада бир нечта савол бор. Қайсики, бир неча ойдан бери аниқ жавоби айтилмаётган.
1. Ҳакамлар ЎФА Этика қўмитасининг қарори билан жазолангани айтилмоқда. Ўша қўмита ўз қарорларини қайси нормалар асосида чиқаряпти? Қандайдир низом борми?
2. Нима учун келишилган ўйинларда иштирок этган футбол клубларини жазолаш иши пайсалга солинмоқда? Ўзи бу режада борми? Унда қачон жазоланади? Ёки 2016 йилги воқеалар яна такрорланадими?
Юқоридаги саволларга жавоб бериш ташкилотнинг вазифаси. Аллақачон ЎФА расмий сайти орқали бу ҳақда тўлиқ маълумот берилиши керак эди. Майли, футболимиз келажаги ҳақида қайғураётган мутасаддиларнинг олдида яна бир неча кун вақт бор. Шу муддат ичида ташкилот масъуллари расмий тарзда жавоб қайтаришларини сўраб қоламиз. Акс ҳолда, 20 февраль куни ўтказиладиган Суперлиганинг 2021 йилги мавсумига қуръа ташлаш маросимидан кейин "championat.asia" шу мавзуда тўплаган барча маълумотларини эълон қилади. Илтимос, ўз мажбуриятларингизни ўз вақтида бажаринг!
Ф. Рўзиев
Ўхшаш янгиликлар

Фикрлар
1O' Yusupov 2S Rahmonov 3H Alijonov 4Sh Nasrullaev 5H Aliqulov 6S Shixov 7Sh Muhiddinov 8D Ibrohimov 9I Rashidxonov 10A Omonov 11Sh Norxonov 12I Nestirov 13O Bozorov 14A Turg'unboev 15Husayn Norchaev 16H Erkinov 17S Rashidov 18I Yo'ldoshev 19M G'ofurov 20M Xolmuhammedov 21J Ilyasov 22I Golban
Klublar bilan o'ynasa Toshkentdami Vodiy vohalardamu Paxtakor, Bunyodkor, Lokomotiv, AGMK, bor ana Navbahor bilan ham o'ynasa bo'laverardi. Terma jamoalar bilan bo'lsa Dubayga borishga ketadigan pulga O'zbekistonga Yevropadan yoki Afrikadan kuchsizroq 2-3 ta terma jamoani olib kelsa bo'lardi. Lekin Abramov bularning hech birini qilmadi. Uning maqsadi nima uzi ham bilmaydi. Yana nima emish rus tilini tushunmaydigan futbolisla bn ishlamaymanmish. Uzing Uzbekchani o'rgan nomard. Necha yiillardan beri uzbekni nonini yeb suvini ichyapsan.
АБРАМОВ ва унинг ДУМБУЛЛАРИ ни танқид қиладиган бирор тирик спорт журналисти борми? Хамманг қайсидир бир жамоа матбуот котиби бўлиб олим жимиб кетдингку. Бу Диерни ўйлаб топган политикаси. Тирик спорт журналисти йўқ. Русларга ўхшашга харакат қиламиз деган билан ошқозон.кўз.нафс ўзбекский экан фақат савол бериб юраверасанлар мухлислар овунсин деб...
Jurnalistlarimizdan iltimos Abramovdan intervyu olinglar ochiq muloqot tariqasidami yoki kankret savollar bilan. Nodirxo'ja Yo'ldashevdan iltimos qilib qolardik.