⚡️ Олтин бутса 2022/23. Абдихолиқов кучли учликда!
13 сен 2022 09:50
Янгиликлар

⚡️ Олтин бутса 2022/23. Абдихолиқов кучли учликда!

Беларусь чемпионатида ёрқин ўйин кўрсатаётган Бобир Абдихолиқов “Олтин бутса” учун давогарлар қаторида бормоқда.

У ҳозирга келиб мусобақада 20 учрашувда 20 та гол уришга эришди. Беларусь Олий Лигасида гол учун 1 коэффициент берилади ва ҳозирда у 20 очко тўплаган ҳолда Эрлинг Холанд (10 гол) билан тенглашиб олган. Кучли бешлик чемпионатларига 2 коэффициент берилгани учун Холанднинг натижаси икка карра ортган.

“Олтин бутса” учун рўйхатда “Будё-Глимт” вингери Амаль Пеллегрино етакчилик қилмоқда. Унинг ҳисобида 28,5 очко (19 гол, 1,5 к) бор. Норвегияликдан кейинги ўринда эса Швециянинг “Хеккен” клуби ҳужумчиси Александр Еремеев кетмоқда – 21 очко (21 гол, 1 к).

Эслатиб ўтамиз, "Энергетик-БГУ" мавсум якунига қадар 10 та учрашув ўтказади. 25 ёшли ўзбекистонлик чемпионат бир мавсуми давомида гол уриш бўйича 6-ўриндаги Пётр Качуро билан тенглашиб олди.

Европада “Олтин бутса”нинг амалдаги ғолиби Роберт Левандовски ҳисобланади. У ўтган мавсум “Бавария” сафида 35 та гол уриб, 70 очкога эга бўлди.