"Олмалиқ": Назорат ўйинлари якунига етди

Аввал хабар бериб ўтганимиздек, "Олмалиқ" 3та ўртоқлик ўйини ўтказиб, таркибни ҳар томонлама назоратдан ўтказиб олди. Дастлабки учрашувда "Нефтчи"га 0:3 ҳисобида имконият бой берилганлигини ёзгандик. Иккинчи учрашувда Бекободнинг "Металлург" жамоаси билан ўтган ўйинда якуний ҳисоб 5:2 бўлди. Дастлабки бўлимда 2:2 ҳисоби қайд этилди. Ҳикмат Ҳошимов пенальтидан "Металлург"ни ҳисобда олдинга олиб чиққан бўлса, Сардор Расулов ҳисобни 2тага оширди. Шундан сўнг, ташаббус "Олмалиқ" томонга ўтди. Зафар Полвонов икки дақиқа ичида дублга эришиб ҳисобни тенглаштирди. Иккинчи таймда бекободликлар таркибни тўла алмаштиришди. Бироз ёшарган таркиб жамоамиз ҳужумларига дош бера олмади. Санжар Шоаҳмедов, Шахбоз Эркинов ва Маъмуржон Абдуллаевлар биттадан гол уриб якунда "Олмалиқ"нинг ғалабасини таъминлашди.

Учинчи назорат ўйини Самарқанднинг "Динамо" жамоасига қарши кечди. Бу баҳсда бироз бетоблиги сабаб Евгений Гоголь иштирок этмади. Ўйин анча шиддатли ва хафвли вазиятларга бой бўлган эрсада, биринчи таймда ҳисоб очилмади. Иккинчи таймда Азамат Исроилов ҳисобни очди. Бироқ кўп ўтмай динамочилар қарши ҳужумдан унумли фойдаланиб ҳисобни тенглаштиришга эришишди.

Жамоа машғулотларни 2 августгача Тошкентда давом эттиради. "Сўғдиёна" билан ўтадиган иккинчи давранинг биринчи ўйинига тайёргарлик Янгиерда давом эттирилади. Жамоа футболчилари 30 июль куни тиббий кўрикдан ўтишади.