Олий лига-2013. Биринчи давра қисқа якунлари

Дастлабки даврада 91та ўйин бўлиб ўтди. Бу ўйинларда 247та гол урилди. Шулардан 159тасини майдон эгалари қолган 88тасини меҳмонлар киритишган.

Майдон эгалари 58та ўйинда ғалаба қозонишди, 20та ўйинда меҳмонлар уч очко олишди. 13та ўйин эса дуранг билан тугади.

Ўртача ҳар бир ўйинга 2,71тадан гол урилган. 26 та ўйинда учтадан кўп гол урилди. 5та баҳсда ҳисоб очилмай қолди.

Дастлабки даврада 91та ўйинга стадионларга жами 427454 нафар томошабин келди. Ўртача ҳар бир ўйинга 4697тадан томошабин тўғри келади.

Ҳакамлар томонидан 25та пенальти белгиланди, шулардан 22таси голга айлантирилди.

6 марта футболчилар тўпни ўз дарвозаларига киритиб қўйишди. Биринчи даврада жами 319та сариқ (ўртача 3,51), 12та қизил (ўртача 0,13) карточка кўрсатилди.

Биринчи даврадаги энг кўп томошабин 3-турдан ўрин олган "Гулистон" - "Олмалиқ" ўйинига тушган - 14121. Энг кам томошабин "Бухоро" - "Қизилқум" ўйинига ташриф буюрган. Тошкентда бўлиб ўтган баҳсга 156 нафар мухлис келган. 

Нарзулла Сайдуллаев