UZ

Сўнгги янгиликлар

14:02Япония компанияси Ўзбекистон Суперлигасига титул ҳомий бўлмоқчи  0 13:45Маскерано "Барселона"даги сўнгги учрашувини қачон ўтказади?  4 13:45Хамес Родригес мэмлар қаҳрамони  3 13:18Olamsport: Шоҳжаҳон Эргашевнинг навбатдаги жанги, Муроджон Аҳмадалиев АҚШда рақибини нокдаун қилди  2 13:13Райола Мхитарян "Арсенал"да Санчес билан бир хил маош олишини хоҳламоқда  9 12:46Хамес: "Реал" ПСЖни Чемпионлар лигасидан чиқариб юборади"  22 12:29Бельгиялик мутахассис Крис ван Пуйвельде ЎФФ президенти Умид Аҳмаджонов билан учрашди  19 12:21Йил трансфери ёхуд “Реал” Роналдудан воз кечадими?  25 12:14Йўғе?! Дмитри Пайет рақиб дарвозабонига тегмай уни жароҳатлади (ВИДЕО)  8 12:06АГМК 6 нафар маҳаллий ва 2 легионер футболчи билан шартнома тузди  16 12:01Асрор Алиқулов: “Машъал”даги ички муҳит мени жуда хурсанд қилди”  0 11:45Англия футболида тарихий кун. Туманли албионда биринчи бор гол VAR тизими сабаб ҳисобга олинди (ФОТО + Видео)  10 11:43Хуршид Ходжаев операция қилинди  4 11:41Хамес: "Виждоним тоза"  17 11:28Владимир Сафаровни табриклаймиз!  1

ЎФФ ҳисобот мажлиси бўлиб ўтди Янгиликлар

ЎФФ ҳисобот мажлиси бўлиб ўтди

Бугун ЎФФ мажлислар залида ЎФФ Президенти Мираброр Усмоновнинг 2010-2013 йилларда ЎФФнинг бажарган ишлари ҳисоботи ҳамда 2014-2018 йиллар учун мақсад ва режалари тингланди.
Дастлаб ЎФФ президенти Мираброр Усмонов ўтган 8 йиллик ҳисоботни топширди:

"Ассалому алайкум, қадрли меҳмонлар. Қилинган ишлар тўғрисидаги ҳисоботни сизларга вақтлироқ тавдим этдик. Биргаликда 8 йил мобайнида ишладик. Қандай яхши ишлар қилган бўлсак, муваффақиятларга эришган бўлсак, сизлардан миннатдорман. Ҳамжиҳат бўлмасдан буларни уддалай олмасдик. Футболни ҳукуматимиз қўллаб-қувватламаганда, Юртбошимизнинг фармонлари бўлмаганда, бундай ривожланишга эришмасдик. ЎФФда ишлаш жараёнида машҳур футболчилар ва бошқа инсонлар билан кўришиб, кўп нарсаларни билиб олдим. Ишга келган пайтда айтгандим: натижа талаб қилишдан аввал унга яраша пойдевор бўлиши, инфратузилма, болалар футболи ва оммавий футбол борасида ўсишимиз керак. Шуларни қилишга муваффақ бўлдик. Ўтган 8 йил ичида ЎФФ 132 миллиард даромадга эга бўлди, 120 миллиард сўмлик харажат қилди. Булар ҳақида батафсил ҳисобот журналда келтирилган.

14та академия ва 10та стадион ишга туширилди. Яқин орада Наманган ва Фарғонадаги стадионлар ҳам битирилади. Демак, энди пойдеворни тайёрлаб бўлдик деб айтсак бўлади. Мана энди жамоаларимиздан натижа талаб қиладиган вақт етиб келди. Янги Президент ва ижроқўм аъзолари бемалол ҳар қандай талабни илгари суриши мумкин. Футболчилар ва ҳакамларимиз бир қатор совринларга эга чиқишди, ёшларимиз жаҳон чемпионатида чорак финалгача етиб борди, ўсмирларимиз Осиё чемпионатида зафар қучишди. Бу муваффақиятлар кучимизга куч қўшади. Аҳил оила бўлмасдан бу ютуқларни қўлга кирита олмасдик. Кўп бор бизни танқид ҳам қилишди. Танқидни тўғри қабул қилиб, камчиликларни тузатишга уриниш керак. Машъал радиосида Арена дастурида ишқибозлар фикрини билдиради. Улар томонидан айтилган гаплардан сўнг танқиддан хулоса чиқариб, ишлашга мажбур эдик. Танқид ўринли бўлиши лозим. Барча журналистларга ҳам раҳмат айтаман.

Ўзбекистон футболини дунё таний бошлади, бизни ҳурмат қилишади. Осиёда футбол борасида бешинчи ўринда турибмиз. Федерациямиз иш услубини Хитой ва Иорданиядан келиб ўрганишмоқда. ОФК ва ФИФАга ҳам миннатдорчилик айтишимиз керак. Шу билан бирга уларда ҳам ўзига яраша камчиликлар борлигини таъкидлаш лозим. Уларни танқид қилганимда менинг инглиз тилини билмаслигимдан хурсанд бўлишади. Ўтган йиллар давомида 34 нафар ходимларимиз давлат мукофотларига сазовор бўлишди.

Ўзбекистон футболининг келажаги жуда порлоқ. Буни қўрқмасдан айта оламан. Янги Президентга ишимни иккиланишларсиз топшираман. Жаҳон футболида ФИФА халқаро олимпия қўмитасига ўз сўзини ўтказа оладиган ташкилот ҳисобланади. Ҳозир ЎФФ ва МОҚ Президенти сифатида ишлаб кўриб билдимки, бизда ЎФФ анча устун ташкилот. Энди кучайишни биргаликда давом эттирамиз.
Биз билан биргаликда футбол ривожланишига ҳисса қўшгани учун Марказий банк раиси Файзулла Муллажоновга ЎФФ нишонини тақдим этмоқчиман.

Россия ва Украинага қаранг, мухлислар қандай жанжаллар қилишади. Улар орасида интизомни ушлаб туриш осон иш эмас. Шу сабабли ИИВ биринчи ўринбосари А.Аҳмедбаев ҳам шу унвонимизни топширишга рухсат этасизлар. Бундан ташқари, Маданият ва Спорт ишлари Вазирлиги биринчи ўринбосари Жасур Акрамовга ҳам миннатдорчилигимизни шу унвон билан изҳор этаман. Шунингдек, Вазирлар Маҳкамаси билан турли ишларимизни ҳал қилишда ўз ёрдамини аямаган Вазирлар Маҳкамаси ходими Орифхон Зокировни ЎФФ унвони билан тақдирлаймиз.

Футболдан кетиш осон эмас. Ўзим билан бирга фаолият юритган ЎФФ ходимлари, шу ерда ўтирган барча инсонларга раҳмат. Охирги 8 йил мобайнида аҳил жамоа билан биргаликда катта миқёсдаги ишларни амалга оширдик. Яқин йиллар ичида барча терма жамоаларимиз катта муваффақиятларга эришади. 2018 йил шу ерда ғалабаларимизни бирга нишонлашга йиғиламиз деган умиддаман.

Кейин эса Андижон вилояти футбол федерацияси вице-президенти Илҳом Устахонов ЎФФ бажарган ишлар кўлами кенг миқёсда бўлгани ва барча ҳудудларда футбол ривожланаётганини эътироф этиб ўтди. Шундан сўнг Пахтакор ФК вице-президенти Самвел Бабаян ўз фикрларини билдириб ўтди:
- Барчага салом. Профессионал клублар номидан ўтган 8 йил ичида ЎФФ Президенти лавозимида катта ишларни амалга оширган Мираброр Усмоновга раҳмат айтишга рухсат этсангиз. Сўнгги йилларда бажарилган тўғри ишлар натижасида ўсишга эришдик. Ёшлар терма жамоалари ғалабаларга эришди. Мираброр Зуфарович ишга бутун борлиғини бахш этди. Энди эса сиз мамлакатимиз спорти нуфузини кўтаришга ҳаракат қилади. Футболни ривожлантиришга қилган ишларингиз учун сиздан миннатдормиз. Бахтимизга соғ бўлинг.

Бухоро вилояти футбол федерацияси вице-президенти Тўра Қўлдошев Бухоро вилоятида шу йиллар мобайнида миллионлар ўйинининг ўсишига етарли шароитлар муҳайё этилгани тўғрисида батафсил маълумот бериб ўтди.
2010-2013 йилларда ЎФФ бажарган ишлар қониқарли бўлганлигини овоз берувчи делегатлар тасдиқлашди. Кейин Терма жамоалар маркази директори Асқар Толибжонов сўзга чиқди:
Ҳурматли конференция қатнашчилари. Олдимизда ЎФФнинг янги Президентини сайлаш вазифасини турибди. Унга бир неча номзодлар бор. Мен бу ҳақида сизларнинг фикрларингиз ва таклифларингизни билмоқчи эдим.

Навоий, Фарғона ва Наманган вилоятидан келган вакиллар сўз олиб, Мираброр Усмоновнинг лавозимда қолиши яхши бўлиши тўғрисида гапириб ўтдилар. Фахрийлар номидан сўзга чиққан Биродар Абдураимов ҳам таъсирли нутқи билан ёдда қолди. Футболимиз фахрийси Мираброр Зуфарович Ўзбекистон футболи учун кўп фойдали ишлар амалга оширганини эътироф этиб, миллий терма жамоанинг жаҳон чемпионатига чиқишини фахрийлар Усмонов билан биргаликда бажариш зарурлигини айтиб ўтди.

Мухлислар клуби раиси Абдураҳмон Фозилов эса юртимиздаги мухлислар номидан Мираброр Усмоновнинг лавозимида қолишини ишқибозлар хоҳлашини таъкидлашларини сўзлади. Ўзбекистон ногирон-ампутантлар терма жамоаси бошлиғи Рустам Қориев ҳам Усмоновдан ЎФФга раҳбарлик қилишда давом этишни сўради.

"Зорим бору, зўрим йўқ. Бундай жамоа билан яна ишлаш бахтига эга бўлиб турибман. Энди ҳар икки лавозимдаги фаолиятимни давом эттираман", - дейди Мираброр Усмонов.

Сардор Раҳматуллаев биринчи вице-президент, Марказий банк раиси Файзулла Муллажонов ва ИИВ биринчи ўринбосари А.Аҳмедбаев вице президент лавозимида ишлашади. Ҳомийлар ва чет эл алоқалари билан ишлаш бўйича вице-президент лавозимига 10 кун ичида ким тайинланиши маълум бўлади.

Фарҳод Магометов, Алишер Султонов, Сардор Раҳматуллаев, Самвел Бабаян, Асқар Толибжонов, Равшан Эрматов, Акрамов ижроқўм аъзолари бўлиб сайланишди.


Беҳзод Назаров ёзиб олди.
Рейтинг:    

Фикрлар

championat.asia
< сўнгги янгиликларни кўриш

Энг яхшилар

Ўзбекистон U-23 Осиё чемпионати чорак финалига йўл олди Ўзбекистон U-23 Осиё чемпионати чорак финалига йўл олди
Бугун Хитойда бўлиб ўтаётган U-23 Осиё чемпионатида Ўзбекистоннинг...  437
Самвел Бабаян: "Вақти келса барини айтиб бераман..." Самвел Бабаян: "Вақти келса барини айтиб бераман..."
ЎФФ футболдан бутунлай четлатган мураббий Самвел Бабаяннинг терма...  239
������.�������

CA ни Facebook да ўқиш
учун "Yoqdi"ни босинг