Нима учун МЮ Сульшерни эмас, Кэррикни танлади?

Бунга норвегиялик мутахассиснинг ушбу лавозимни узоқ муддатли лойиҳа сифатида кўргани сабаб бўлган. Бу ҳақда журналист ва инсайдер Дэвид Орнштейн Sky Sports эфирида маълум қилди.

Манбанинг сўзларига кўра, Сульшер клубда йилларга мўлжалланган тўлиқ қайта қуришни амалга оширмоқчи бўлган, бироқ бу манкунианликлар раҳбариятини қониқтирмаган. Майкл Кэррик эса жамоани фақатгина жорий мавсум якунига қадар бошқаришга рози бўлган.

Орнштейннинг таъкидлашича, "қизил иблислар" бошлиқлари учун Сульшер — ўтмиш тимсоли. Клуб раҳбарияти унинг қайтишини орқага ташланган қадам сифатида баҳолаган бўлиши мумкин. Кэррик борасида эса бундай туйғу анча камроқ сезилади.

Эслатиб ўтамиз, манкунианликлар Кэррик тайинланганини сешанба куни, 13 январь санасида эълон қилишди. Сульшер эса 2018 йилдан 2021 йилгача жамоани бошқарган эди.