Шундай қилиб, "Бухоро" Суперлигада қоладиган бўлди. Ўйиндан кейинги матбуот анжуманида "Арал" бош мураббийи Неъматулла Қуттибоев иштирок этди.
- Ўйин ҳақида фикрингиз...
- Аввало, охиригача кураш олиб боргани учун жамоамга раҳмат айтаман ва "Бухоро"ни Суперлигада қолгани билан табриклайман. Бугунги баҳсда маҳорат ўз сўзини айтди. Рақиб маҳорат эвазига ютиб кетди деб ўйлайман. Биз ҳам қўлдан келганча ҳаракат қилдик.
- Ғалаба учун нима етишмади?
- Кўп нарса етишмади. Биринчи навбатда тажриба ва маҳорат. Барибир биз Пролига жамоасимиз ва бу нарса кўзга ташланди. Вазиятлар ҳам яратилди, лекин гол ура олмадик. "Бухоро" эса битта имкониятдан фойлаланиб гол урди. Ўйиндан олдин футболчиларга аввало яхши ҳимояланиш кераклигини айтгандик. Ҳимояда ёмон ўйнамадик, фақат битта хато голга олиб келди.
- Иззатилла Абдулҳақов "Локомотив" билан ўйинда майдонга тушиб анча яхши ҳаракат қилганди. Бугун нима учун захирада қолдирилди?
- Иззатилла жароҳатдан сўнг даволаниб энди-энди ўзига келяпти. У бир ярим йил футбол ўйнамади, буни ҳам ҳисобга олиш керак. Ҳали албатта ўзини кўрсатади.
