Суперлига. 15-тур
“Навбаҳор” — “Хоразм” 5:1
Бош ҳакам: Найим Қосимов
Ёрдамчи ҳакамлар: Зуфар Элибоев, Акмал Ғиёсов
Захира ҳаками: Алишер Тўхтасинов
VAR ҳаками: Жасур Мухторов
AVAR ҳаками: Эдита Миробидова
Назоратчи: Бахтиёр Тагаев
Комиссар: Даврон Иброҳимов
Голлар: 1:0 – 16, Ҳусайн Норчаев (Русланбек Жиянов); 2:0 – 36, Ҳусайн Норчаев (Муҳаммадали Усмонов); 3:0 – 41, Ҳусайн Норчаев (Умар Адҳамзода); 3:1 – 45+4, Рустамжон Абдуҳамидов (Улуғбек Ҳошимов); 4:1 – 58, Ҳусайн Норчаев; 5:1 – 67, Руслан Жиянов.
“Навбаҳор”: 1.Ўткир Юсупов (с), 2.Саидазамат Мирсаидов, 4.Исломбек Маматказин, 7.Русланбек Жиянов (6.Шохруҳбек Абдураҳмонов, 85), 8.Диёр Холматов, 11.Ҳусайн Норчаев (28.Жоэль Кожо, 81), 13.Опейеми Теди Бенжамин (21.Асадбек Раҳимжонов, 81), 22.Умар Адҳамзода, 23.Ваня Илич (30.Жасурбек Жалолиддинов, 72), 34.Гиорги Жгеренаия, 77.Муҳаммадали Усмонов (17.Муҳаммадали Ғиёсов, 72)
Захира: 16.Шукрон Юлдашев, 3.Зафарбек Раҳимжонов, 5.Дилшоджон Комилов, 20.Қувондиқ Рўзиев
“Хоразм”: 33.Никола Стошич, 5.Аббосжон Отахонов (70.Султонбей Исмоилов, 46), 13.Элзио Лоан Алвеш Лусио (7.Темурбек Исмаилов, 80), 15.Диёрбек Ортиқбоев, 17.Даниил Нугуманов, 22.Суннатуллоҳ Ҳамиджонов, 25.Матия Ром, 88.Аброр Хўсинов (55.Азизбек Пирмуҳаммадов, 46), 90.Улуғбек Ҳошимов, 94.Рустамжон Абдуҳамидов (11.Данила Ежов, 71), 96.Рафаэль Сабино Дос Сантос
Захира: 1.Машҳуржон Муҳаммаджонов, 8.Нодирбек Абдухаликов, 79.Азизжон Аҳроров, 97.Бубакар Файе Траоре, 99.Одамбой Олимов
Огоҳлантириш: Исломбек Маматказин (51)
🏁 Учрашув якунланди!
Наманганнинг "Навбаҳор" жамоаси ўз майдонида "Хоразм"ни йирик – 5:1 ҳисобида мағлубиятга учратди.
Учрашувнинг ҳақиқий қаҳрамонига айланган Ҳусаин Норчаев рақиб дарвозасига 4 та гол уриб, "покер" муаллифи бўлди. Шунингдек, Русланбек Жиянов ҳам битта гол билан жамоаси ғалабасига муносиб ҳисса қўшди. Меҳмонлар таркибида ягона жавоб тўпини Равшан Абдуҳамидов киритди.
⏱ 90' Асосий вақт тугади. Бош ҳакам иккинчи бўлимга 4 дақиқа вақт қўшиб берди.
🔄 85' "Навбаҳор" таркибида сўнгги ўзгариш:
Бугун ўзининг ёрқин ҳаракатлари ва голи билан ажралиб турган Русланбек Жиянов ўрнига майдонга Шохруҳбек Абдураҳмонов туширилди.
🔄 81' "Навбаҳор"да навбатдаги ўзгаришлар:
Бугунги учрашувда "покер" қайд этиб, ўйин қаҳрамонига айланган Ҳусайн Норчаев ўз ўрнини Жоэль Кожога бўшатиб берди. Шунингдек, майдонга Асадбек Раҳимжонов ҳам туширилди.
🔄 80' "Хоразм" таркибида навбатдаги ўзгариш:
Элзио Лоан Алвеш Лусио ўрнига майдонга Темурбек Исмаилов туширилди.
⚠️ 78' Баҳсли вазият! "Навбаҳор"нинг ўнг қанотдан оширган хавфли узатмасидан сўнг Ҳусайн Норчаев дарвоза томон зарба йўллади. Тўп "Хоразм" ҳимоячисининг қўлига теггани боис мезбонлар пенальти сўрашди, аммо бош ҳакам ўйинни давом эттиришга қарор қилди.
🔄 72' "Навбаҳор" таркибида қўш-ўзгариш:
Аъло даражада ҳаракат қилган Ваня Илич ва Муҳаммадали Усмонов ўрнига майдонга Жасурбек Жалолиддинов ҳамда Муҳаммадали Ғиёсов туширилди.
⚠️ 69' Яна бир хавфли вазият! "Хоразм" ҳимоясида яна бир тушунмовчилик: дарвозабон Никола Стошич ва Диёрбек Ортиқбоев бир-бирини англамай хатога йўл қўйишди. "Навбаҳор" ҳужумчиси бўш қолган дарвозага узатма йўллади, аммо Диёрбек Ортиқбоев сўнгги сонияларда тўпга етиб келиб, катта қийинчилик билан уни майдон ташқарисига чиқариб юборди.
⚽️ 67' ГОЛ! "Навбаҳор" ҳисобни йирик кўринишга келтирмоқда! "Хоразм" дарвозабони Никола Стошич ўз жарима майдончаси ичида қўпол хатога йўл қўйди – Русланбек Жиянов тўпни эгаллаб олди ва бўш қолган дарвозани қийинчиликсиз ишғол қилди – 5:1.
🖥 62' ГОЛ ИНОБАТГА ОЛИНДИ! ВАР тизимининг узоқ ва синчков текширувидан сўнг бош ҳакам майдон марказини кўрсатди!
Офсайд йўқ, Ҳусайн Норчаев бугунги учрашувда покер муаллифига айланмоқда! "Навбаҳор" ҳисобдаги устунликни янада оширмоқда – 4:1.
⚽️ 58' ГОЛ! Эътирозли вазият! "Навбаҳор" бурчак тўпидан сўнг яна гол урди – тўп учун кечган шиддатли курашдан сўнг Ҳусайн Норчаев аниқ зарба йўллади. Бироқ қанот ҳаками офсайд қайд этди. Ҳозирда ВАР ҳакамлари вазиятни синчиклаб текширишмоқда.
🟨 51’ Сариқ карточка! "Навбаҳор" ҳимоячиси Исломбек Маматказин майдон марказига яқин ҳудудда рақибга нисбатан қўполлик ишлатгани учун бош ҳакам томонидан огоҳлантирилди.
🔄 46' Иккинчи бўлим бошланди!
"Хоразм" таркибида танаффусда иккита ўзгариш амалга оширилди: Аброр Хўсинов ва Аббосжон Отахонов ўрнига майдонга Азизбек Пирмуҳаммадов ҳамда Султонбей Исмоилов тушди.
⏸ 45+7' Биринчи бўлим якунланди! Жанговор ва голларга бой кечган дастлабки 45 дақиқаликдан сўнг жамоалар танаффусга "Навбаҳор"нинг 3:1 ҳисобидаги устунлиги билан йўл олишмоқда.
⚽️ 45+4' ГОЛ! "Хоразм" ҳисобдаги фарқни қисқартирди! Ўнг қанотдан ташкил этилган тезкор қарши ҳужумда Улуғбек Ҳошимов тўпни марказга узатди, Рустамжон Абдуҳамидов эса дарвозабон билан бирга-бир вазиятга чиқиб бориб, аниқ ва ишончли зарба билан тўпни дарвозага жойлаб қўйди – 3:1.
⏱ 45' Биринчи бўлимнинг асосий вақти тугади. Бош ҳакам томонидан бўлимга 5 дақиқа вақт қўшиб берилди.
⚽️ 41' ГОЛ! Ҳусайн Норчаевдан хет-трик! Умар Адҳамзода чап қанотдан жарима майдонига ажойиб узатмани амалга оширди, Норчаев эса боши билан аниқ ва кучли зарба йўллаб, тўпни дарвозага жойлади – 3:0.
⚽️ 36' ГОЛ! "Навбаҳор" ҳисобдаги фарқни оширди! Муҳаммадали Усмонов ўнг қанотдан жарима майдонига ёриб кириб, марказга аниқ пас узатди. Ҳусайн Норчаев эса биринчи голига ўхшаш вазиятда қийинчиликсиз оёқ қўйиб, тўпни дарвозага жойлаб қўйди – 2:0.
🚨 33' "Хоразм" футболчиси Рустамжон Абдуҳамидов жарима майдони ичида чап оёғи билан зарба йўллади – тўп устуннинг ёнгинасидан ўтиб кетди.
🚑 29' Муҳаммадали Усмонов Суннатуллоҳ Ҳамиджоновга нисбатан қоидани бузди. "Хоразм" футболчисига тиббий ёрдам кўрсатилмоқда.
⚠️ 26' Хавфли вазият! "Навбаҳор" футболчиси Муҳаммадали Усмонов жарима майдонига ёриб кириб, ўткир бурчакдан зарба йўллади. "Хоразм" посбони Никола Стошич маҳорат кўрсатиб, тўпни қайтарди.
🚨 23' "Навбаҳор" чап қанотдан ҳужум уюштирди. Умар Адҳамзода тўпни жарима майдонига узатди, "Хоразм" ҳимоячиси Рафаэль Сабино Дос Сантос тўпни майдон ташқарисига чиқариб юборди.
📐 22' "Навбаҳор" томонидан бурчак зарбаси оширилди. Жарима майдони ичида бўлиб турган Исломбек Маматказин оёғи билан зарба йўллади – тўп устун ёнгинасидан ўтиб кетди.
⚽️ 16' ГОЛ! "Навбаҳор" чап қанотдан жарима майдонига ёриб кирди, Жиянов тўпни марказга узатди. Ҳусайн Норчаев тўпни тўхтатмасдан рақиб дарвозасига аниқ йўналтириб, ҳисобни очди – 1:0.
⚠️ 9' "Хоразм" футболчиси Рустамжон Абдуҳамидов жарима майдони ичига ёриб кириб, дарвозабон билан бирга-бир вазиятга чиқди. "Навбаҳор" посбони Ўткир Юсупов маҳорат кўрсатиб, тўпни оёғи билан қайтарди ва хавфни бартараф этди.
⚡️ 6' "Навбаҳор" футболчиси Муҳаммадали Усмонов рақиб дарвозабони билан бирга-бир вазиятга чиқиб борди, бироқ ёрдамга етиб келган "Хоразм" ҳимоячиси Аброр Хўсинов хавфни бартараф этди.
🎯 4' "Навбаҳор" футболчиси Муҳаммадали Усмонов ноқулай вазиятдан рақиб дарвозасига зарба берди – тўп нишонга аниқ бормади.
⏱ 1' Учрашувга старт берилди.
🏁 Жамоалар майдонга чиқиб келишди. "Навбаҳор" жамоаси кўк, "Хоразм" футболчилари эса оқ рангли либосларда ҳаракат қилишади.
