UZ

Муҳсин Муҳаммадиев: "Биз учун ҳар бир ўйин финалга тенг" Янгиликлар

Муҳсин Муҳаммадиев: "Биз учун ҳар бир ўйин финалга тенг"

"Насаф" ва "Бухоро" жамоалари ўртасида ўтган баҳсдан кейинги матбуот анжуманида меҳмонлар бош мураббийи Муҳсин Муҳаммадиев иштирок этди.

"Оғир ўйин бўлди. "Насаф" яхши шаклланган жамоа ҳисобланади. Улар бугун ўйинни назорат қилишди ва кўпроқ ҳавли вазиятлар яратишди. Бизнинг йигитларга раҳмат айтмоқчиман. Кўрсатмаларни тўлиқ бажаришди.

"Насаф" Суперлига рестартига тайёргарликни анча вақт олиб борди. Бизда эса бундай шароит ва имконият бўлгани йўқ. Биз эса икки ҳафта қолганда ҳозирликни бошлагандик. Ўйиндан олдин таркибимизда йўқотиш мавжуд эди. Беҳруз Шодмонов жароҳат олиб сафдан чиқди.

Яна бир бор шогирдларимга миннатдорчилик билдираман. Улар охиригача курашишди. Сафарда бир очко ишлаганимиздан хурсандмиз. Жамоамиздаги легионерлар пандемия бошланишидан олдин юртларига кетишган. Хозирда етиб кела олишмайди.

Ўтган йили "Насаф"ни Қаршида ютган эдик. Бу сафар дуранг қайд этдик. Мақсадимиз ўйинимизни кучайтириш. Биз учун ҳар бир ўйин финал ҳисобланади",- дейди Муҳсин Муҳаммадиев.



Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика