Модрич: "Ҳар доим ҳам энг яхши жамоалар ғалаба қозона олмайди"
16 июл 2018 10:00
Янгиликлар

Модрич: "Ҳар доим ҳам энг яхши жамоалар ғалаба қозона олмайди"

Хорватия терма жамоаси ярим ҳимоячиси Лука Модрич ЖЧ-2018 финалида Франциядан учралган мағлубият (2:4) ҳақида фикр билдирди.

"Соврин кайфиятимни кўтаргани йўқ, чунки мағлуб бўлдик. Мен ғалабага интилган эдим. Омадимиз келмади деб ўйлайман. Жамоамиздаги ҳар бир футболчи шундай ўйласа керак. Бугун майдондаги энг яхши жамоа эдик. Аммо энг яхшилар ҳар доим ҳам ғалаба қозона олмайди.

Иккинчи гол ўйиндаги ҳал қилувчи вазият бўлди. Ҳакам VAR тизимини қўллаганидан ҳайрон бўлдик. Биринчи голдан олдин у йўқ қоидабузарликни аниқлади. Францияликлар ҳисобни очди, аммо биз ажойиб ўйин кўрсатиб, гол урдик. Ҳакам эса пенальти белгилади. Бундай вазиятлар жамоани ўлдиради.

Тинимсиз камбэк қилишнинг иложи йўқ. Охиригача курашдик. Бугунги ўйинимиздан фахрланамиз. Афсуски, бу етарли бўлмади" - дейди Модрич.

Ҳавола :

Манба : championat.com

Янгиликларни Телеграмда ўқинг!

Рейтинг: +36