Сандро Тонали Италия терма жамоасининг австрияликларга қарши навбатдаги ўйинини ўтказиб юборади.
Албания билан назорат учрашувида (3:1) "Милан" ва Италия терма жамоаси хавбеки Сандро Тонали боши билан майсазорга йиқилди. Футболчини майдондан замбилда олиб чиқиб кетишган, бироқ кейинчалик у жароҳатдан қутулиб қолгани маълум бўлди.
"Corriere dello Sport" хабарига кўра, "скуадра адзурра" бош мураббийи Роберто Манчини Австрияга қарши ўртоқлик ўйинида ярим ҳимоячига умид боғлай олмайди. Хабар қилинишича, Тонали эҳтиёт чораси сифатида уйига жўнатилган.
Италия ва Австрия ўртасидаги учрашув 20 ноябрь куни бўлиб ўтади.
