Хабарингиз бор, Илҳом Мўминжонов бошчилигидаги "Металлург" бу йил Про лигада иштирок этади. Жамоа кеча Тошкентда жамланди ва илк машғулотларни Тошкент вилоятидаги "Аҳмад Яссавий" стадионида олиб борди.
Таркибда Жасур Ҳакимов, Беҳруз Шодмонов, Музаффар Мўминов, Жавоҳир Абдужабборов, Муҳаммадсафо Фозилов, Иброҳим Нумонов, Сардор Садуллаев каби футболчилар шуғулланмоқда.
Мазкур йиғин 7 февралгача давом этади. Шундан сўнг футболчиларга қисқа таътил берилади ва тайёргарликнинг иккинчи қисмига старт берилади.
