UZ

Сўнгги янгиликлар

18:11"Манчестер Сити" Копа Америкада Аргентина терма жамоаси футболчисини кузатади  0 17:42Осиё футболи. Умар Абдулраҳмон яна терма жамоага қайтди  2 17:34Olamsport: Хабиб Ўзбекистонда UFC ўтказиш ҳақида, Маҳмуд Муродовнинг навбатдаги жанг санаси маълум  0 17:2330 май куни ҳакамлар билан навбатдаги очиқ мулоқот бўлади  10 16:59Элдор Шомуродов "Ростов" билан шартномасини узайтирди  15 16:49Виллаш-Боаш "Марсель" билан келишиб олди  1 16:39Голландияда ҳакам гол урди ва буни ҳисобга олди  12 16:38«Бунёдкор»: Академия жамоаси Грузияда  0 16:08Роналду киритилмаган OPTAнинг А Серия рамзий жамоаси билан танишинг  6 16:06"Сурхон" - "Қўқон-1912". Пенальти бормиди?  67 15:58Омар Моманидан янги карикатура: Мессини "эшак" тепди  23 15:46"Арсенал" ўйинчиларига Мхитаряннинг исми ёзилган либосларда чиқишларига рухсат берилмади  13 15:32"Рома" Де Росси билан қай тарзда ҳайрлашди?  6 15:11"Пахтакор" клубидан олийжаноб ҳаракат   24 14:16Купер жароҳат олган Достон Ҳамдамов ўрнига "Бунёдкор" футболчисини йиғинга жалб қилди  33

“Металлург-W” янгиланган мураббийлар штаби билан мавсумга тайёргарликни бошлади Янгиликлар

“Металлург-W” янгиланган мураббийлар штаби билан мавсумга тайёргарликни бошлади

Аёллар футболи бўйича мамлакат чемпиони ва амалдаги кубок соҳиби – Бекободнинг “Металлург-Women” жамоаси янги бош мураббий раҳбарлигида янги мавсум тадоригини бошлади.

Аёллар футзали бўйича Ўзбекистон миллий терма жамоасини бошқарган, Тошкентнинг “Олимпик”, “Бунёдкор-вумен” жамоаларида фаолият юритган Аваз Махсумов эндиликда “Металлург-вумен” жамоасига раҳбар этиб тайинланди. Унга Равшан Холиқов (катта мураббий), Аббос Абдуллаев (ёрдамчи мураббий), Илҳом Ҳамзалиев (дарвозабонлар бўйича мураббий) ва Камола Усмонова (ўйновчи мураббий) лар ёрдам беришади.

Машғулотлар 15 январь санасидан эътиборан бошланди ва ҳар куни икки маҳалдан олиб борилаяпти. Куннинг биринчи ярмида қизлар “Ёшлик” спорт залида жисмоний тайёргарликни тиклаш машқларига эътибор қаратишаётган бўлишса, куннинг иккинчи ярмида “Цементчи” стадионида шуғулланишмоқда. Дастлабки кунларда кўпроқ жисмоний тайёргарликка эътибор қаратилаяпти. Шунингдек, тўп билан ишлаш машғулотларига ҳам ўрин ажратилаяпти. Мураббийлар штаби ўтган мавсум чемпионликка эришган ва Ўзбекистон кубогига сазовор бўлган таркибнинг деярли барчасини сақлаб қолишга эришди. 

Бугунги кунда машғулотларда Гуландом Бойматова, Нигора Ўзганова, Дилафрўз Хўжаева, Насиба Ҳожиева, Маҳфуза Туропова, Мавлуда Мунавварова, Дилдора Нозимова, Диёра Ҳабибуллаева, Юлдуз Набиева, Лутфинисо Ҳамидова, Диёра Эркинова, Нозима камолтоева, Иродахон Турдиалиева, Маҳлиё Сарикова, Зумрат Назарова, Холида Дадабоева, Феруза Турдибоевалар қатнашишмоқда. Албатта футболда мақсадга эришиш қийин, эришилган ютуқни сақлаб қолиш ундан-да оғир деган ибора мавжуд. Буни яхши англаган мураббийлар янги мавсум тадориги йиғинига янги ўйинчиларни ҳам таклиф этган. Хусусан, икки уч йил муқаддам “Металлург”даги иштироки орқали мухлисларига яхши таниш бўлган Моҳигул Икромова, маҳаллий қизлардан Нигина Жамолова, Гўзал Тўрақулова, Гулжамол Норматова, Чарос Ғаниева, Фарғонадан Нилуфар Дадабоева, Навоийдан Сарвиноз Раҳматова, Маҳлиё Ғаффоровалар шулар жумласидандир. Тез кунларда машғулотларга “Андижанка” ҳужумчиси Елена Логуткина, жиззахлик Светлана Валиева, Қаршининг “Севинч” жамоасидаги фаолиятини якунлаган, Ўзбекистоннинг бир неча карра чемпиони Камола Рисқиеваларнинг ҳам келиб қўшилиши кутиляпти.

Энди бевосита жамоани тарк этган футболчилар хусусида тўхталадиган бўлсак, сўнгги йилларда чемпионат тўпурарлигини қўлдан бермай келган Людмила Карачик ва дарвозабон Зиёда Ирисбоевалар Тошкентнинг “Бунёдкор-вумен” жамоасида ўйнашни ихтиёр этишди. “Металлург-вумен” аёллар футбол клуби бу қизларга Бекобод футболи шони-шавкатини кўтаришда қўшган беқиёс улушлари учун уларга миннатдорлик билдиради ва кейинги фаолиятларида омад ёр бўлишини тилайди.

Рейтинг: +1   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг