Madrid jamoasi Londonda Chempionlar ligasi 1/4 finalining birinchi o'yinida yirik hisobda mag'lub bo'ldi. Javob o'yini 16 aprel kuni Ispaniyada bo'lib o'tadi.
"Qaymoqrangli"larning ikki o'yin yakuniga ko'ra yarim finalga chiqish imkoniyati haqida birinchi bo'lib Kilian Mbappedan so'rashdi.
– Kilian, "Real" kambek qila oladimi?
– Ha, albatta, – deb javob berdi francuz hujumchisi jamoa avtobusiga qarab yurar ekan.
Keyin xuddi shunday savol Vinisius Junior, Rodrigo va Federiko Valverdega berildi.
Vinisius: "Ha, qila olamiz", deb javob berdi. Rodrigo va Valverde bosh irg'ab: "Ha", deyishdi.
