Mazkur bahs ikki futbolchimiz uchun yubiley o'yiniga aylanishi mumkin. Agar bugun Azizbek Turg'unboev maydonga tushsa terma jamoa libosida 30-bor o'ynagan bo'ladi. Jaloliddin Masharipov hisobida terma jamoa safida hozircha 59 ta uchrashuv bor. Demak bugungi o'yin Masharipov uchun 60-bahsga aylanadi.
Terma jamoamiz sardori Eldor Shomurodovdan esa boshqacha yubiley kutilmoqda. "Kalyari" hujumchisi o'tgan hafta terma jamoa tarkibidagi o'zining 70-uchrashuvini o'tkazdi va 39-golini urdi. Demak navbatdagi gol Eldor uchun yubiley gol bo'ladi.
Shuningdek, safarda Gonkongga qarshi bahsda Odiljon Hamrobekov (50) va Abduqodir Husanov (10) o'zlarining yubiley o'yinlarini o'tkazishdi.
