"Локомотив" сафига 4та футболчи қўшилди

Темирйўлчилар ўз таркибига тажрибали футболчи, мамлакатимизнинг энг совриндор футболчиларидан бири Илхом Суюновни қўшиб олди. Шунингдек, «Локомотив» мураббийлар штаби 1-даврани ижара асосида «Гулистон» клубида ўтказишган ярим ҳимоячилар Иброҳим Рахимов ҳамда Собир Усмонхўжаевларни ҳам ортга қайтаришга қарор қилишди. Ва энг эътиборли трансферлардан бири – бу жамоа сафида молдавиялик футболчининг пайдо бўлганидир. 1985 йил 25 июлда туғилган асли молдавиялик Александр Оника бундан буён «Локомотив» сафида тўп суради. Ушбу футболчи фаолияти давомида Россиянинг «Спартак» (Челябинск), КАМАЗ, Украина Олий лигаси вакили «Ворскла» ҳамда маҳаллий «Дачия» ва «Шериф» клублари шарафини ҳимоя қилган. Молдавия терма жамоаси сафида 10та ўйин ўтказган. Умид қиламизки, янги футболчилар «Локомотив» жамоаси ўйинини кўчайтиришга хизмат қилади.

Тўп тепган клублари:
"Хинчешти" (Молдова), "Униспорт-Авто" (Молдова), "Спартак-Челябинск" (Россия), "КАМАЗ" (Россия), "Дачия" (Молдова), "Ворскла" (Украина), "Шериф" (Молдова).


Сафимизга қўшилган ушбу янги футболчилар қуйидаги рақамларда тўп суришади:

Иброхим Раҳимов - 24
Собир Усмонхўжаев - 15
Илҳом Суюнов - 55
Александр Оника - 99