UZ

Сўнгги янгиликлар

14:37Трансфер. МЮ Алексис учун 28 млн. еврога бир футболчини қўшиб беради. У ким?  11 14:31Olamsport: Бокс бўйича жаҳон чемпионати мезбони расман маълум бўлди, Хабиб Нурмагомедов қачон жанг ўтказишини маълум қилди  0 14:22“Локомотив” жамоаси мухлислари учун айтилган қўшиқни эшитганмисиз? ВИДЕО  5 13:48Обамеянг "Боруссия" машғулотларига қайтди  1 13:44Australian Open. Мусобақадаги энг чиройли либос кимга тегишли? (ФОТО)  9 13:41Жалил Кимсанов: «Футболимиздаги ислоҳотларни қўллаб-қувватлайман»  4 13:31Санчес МЮга ўтишга рози бўлди. Энди Мхитарян "Арсенал" билан шартномага розилик бериши керак  21 13:28ОЧЛ-2018. "Насаф"нинг рақиби “Ал Файсалий” ҳақида  9 12:59“Сўғдиёна-W” қисқа таътилдан сўнг яна йиғинга киришди  6 12:56Жерар Ульенинг "Ливерпул"даги фалсафаси қандай бўлган?  4 12:49"Барселона". Маскеранонинг трансфери деярли амалга ошди, қолганларда нима гап?  9 12:22Умид Аҳмаджонов: "Терма жамоанинг янги мураббийини кўргач, халқимиз албатта хурсанд бўлади"  117 12:11Хўжайлида футзал бўйича турнир бўлиб ўтди  4 12:07"Сўғдиёна": Иззатилла Абдуллаевни табриклаймиз!  2 11:57Аҳмад Халил "Ал Айн"га ўтди  10

«Локомотив»: рекордлар оғушидаги 2013 йил Янгиликлар

«Локомотив»: рекордлар оғушидаги 2013 йил

Ўзбекистон ХХП миллий чемпионатида кумуш медалга сазовор бўлган «Локомотив» клуби бир қатор шахсий рекордларини янгилади ва бу билан 2013 йил жамоа тарихига зарҳал ҳарфлар билан битилишига сабабчи бўлишди.
Қуйида шуларга қисқача тўхталиб ўтамиз:

Мағлубиятсиз серия. 2013 йилги мавсум аввалида «Локомотив» жамоаси кетма-кет 8та ўйинда мағлубиятга учрамади. Бу мавсум миқёсида оладиган бўлсак, клуб тарихида энг яхши кўрсаткичнинг такрорига айланди. Негаки ўтган мавсумда ҳам темирйўлчилар икки бор шунча ўйиндан иборат мағлубиятсиз серия қайд этишганди. Бироқ, бу йилги 8 ўйинга ўтган мавсум охирида бошланган 5 ўйиндан иборат мағлубиятсиз серияни ҳам қўшадиган бўлсак, бу сафарги юришнинг салмоғи анча юқори эканлиги ойдинлашади.

Ғалабали одим. Бу йилги мавсумнинг дастлабки уч ўйинида «Локо» футболчилари ғалаба қозонишди. Бунга ўтган мавсум сўнгида кузатилган уч ўйинлик ғалабали серияни ҳам қўшиб ҳисобласак, ғалабали серия 6 ўйинга етгани ва жамоа тарихида янги саҳифа очилгани маълум бўлади. Бунгача жамоа энг кўпи билан 5та ўйинда кетма-кет ғалаба эришган эди.

Иродали ғалабалар. Жорий мавсумда «Локомотив» клуби беш ўйинда кучли иродаси эвазига ғалабани юлиб кетди. Бунақаси ҳам клуб тарихида кузатилмаган эди. Дарвоқе, ушбу мавсумда иродали ғалабага эришиш борасида темирйўлчилар нафақат ўз кўрсаткичларини янгилашди, балки миллий чемпионатимизда ҳам энг яхши натижа қайд этишди.

Сермаҳсулликдаги ўсиш. «Локомотив» клуби 2013 йилги мавсумда рақиб жамоалар дарвозасини жами 63 марта ишғол қилди. Бу ҳам жамоа тарихида янги рекорд кўрсаткич. Бундан аввалги рекорд ўтган мавсумда кузатилган бўлиб, унда темирйўлчилар 43та гол уришган. Демак, рекорд бир йўла 20та тўпга яхшиланди.

Кам гол ўтказишда ҳам юксалиш. Бу йил «Локомотив» нафақат сермаҳсуллик бобида, балки ўз дарвозасидан кам гол ўтказиб юбориш борасида ҳам ижобий натижа қайд этди. Улар 26 ўйинда ўз дарвозаларидан атиги 21та тўп олиб чиқишди. Ушбу йўналишда жамоанинг энг яхши кўрсаткичи ўтган йили кузатилган бўлиб, ўшанда темирйўлчилар мавсум давомида ўз дарвозаларидан 22та тўп ўтказиб юборишган эди.

Тўпурарликдаги юксалиш. «Локомотив» жамоаси тарихига эътибор қаратсак, клуб сафида бир қатор тўпурар ҳужумчилар тўп суришганига гувоҳ бўлишимиз мумкин. Марсель Идиатуллин, Илхом Мўминжонов, Равшан Бозоров, Олим Новкаров, Зайниддин Тожиев… Бироқ, шундай ҳужумчилардан биронтаси бир мавсумда рақиблари дарвозасини 12 мартадан ортиқ ишғол қилишмаган экан. Фарҳод уларга ҳақиқий тўпурар қанақа бўлиши кераклигини кўрсатиб қўйди. 13 ўйинда 17та гол ва бу жамоа тарихида энг яхши кўрсаткичдир. Агар кичик Тожиев жароҳат олиб сафдан чиқмаганда, эҳтимол мавсум давомида урган голлари сонини 30тадан оширармиди?!

Энг интизомли жамоа. Мавсум-2013да «Локомотив»нинг ҳеч бир футболчиси бош ҳакам томонидан четлатилмади. Ҳали ҳеч бир мавсумда темирйўлчилар қизиқ карточкалар борасида мавсумни қуруқ ўтказишмаган эди. Улар бунгача бир мавсумда камида уч маротаба ўйинни майдонда камчилик бўлиб якунлаб келишган. Демак, интизом борасида «Локомотив» футболчилари сезиларли ўсишга эришибди.

Энг йирик ғалабадаги ўсиш. Жамоа ўз тарихида икки бор рақиблари устидан 5-0 ҳисобида ғалаба қозонган. Аммо, бу йил «Локомотив» битта ўйинда рақиблари дарвозасига 6та тўп киритишнинг уддасидан чиқди. Яъни, «Гулистон»га қарши Тошкентда кечган ўйинда темирйўлчилар 6-2 ҳисобида зафар қучишди.

Энг узоқ давом этган қуруқ серия. «Локомотив» қаторасига 5 ёки 6 ўйинда ғалабага эришиши мумкин, аммо бу ўйинларда қуруқ серия қайд этиши амри маҳол эди. Ниҳоят ушбу мавсумда темирйўлчилар 7 бор ўз дарвозалари дахлсизлигини сақлаб қолишга муваффақ бўлди. Шунингдек, 24-26 турлар давомида ўз дарвозасидан биронта ҳам тўп ўтказиб юбормади. Бу ҳам жамоа тарихидаги янги рекорд кўрсаткичдир.
Рейтинг:    

Фикрлар

championat.asia
< сўнгги янгиликларни кўриш

Энг яхшилар

Ўзбекистон U-23 Осиё чемпионати чорак финалига йўл олди Ўзбекистон U-23 Осиё чемпионати чорак финалига йўл олди
Бугун Хитойда бўлиб ўтаётган U-23 Осиё чемпионатида Ўзбекистоннинг...  435
"Реал" тарихда илк бор ўз майдонида "Вильярреал"га мағлуб бўлди "Реал" тарихда илк бор ўз майдонида "Вильярреал"га мағлуб бўлди
Испания чемпионати 19-туридан ўрин олган "Реал Мадрид" -...  380
������.�������

CA ни Facebook да ўқиш
учун "Yoqdi"ни босинг