Mashg'ulotda jamoa bilan tashrif buyurgan barcha 20 nafar futbolchi ishtirok etdi. Maydondagi o'yinchilar bilan Mirko Yelechich va Andrey Miklyaev ishlagan bo'lsa, darvozabonlarni Pyotr Gizimchuk shug'ullantirdi. Ma'lumki, asosiy tarkibdan ikki futbolchi Toshkentda qolgan.
Nemanya Yanichich hozirda jarohatini davolayotgan bo'lsa, Kaxi Maxaradze OCHLdagi sariq kartochkalari ikkita etgani tufayli 20 aprel kungi “Al Nasr” bilan birinchi o'yinni o'tkazib yuboradi. Albatta, muhim o'yin oldidan bu jiddiy yo'qotish, lekin jamoamizning maqsadi faqat g'alaba. Barcha Dubayga ijobiy natijani ko'zlab tashrif buyurgan.
Quyida mashg'ulotdan fotosuratlarni keltirib o'tamiz.
