Лионель Месси: “Херардо Мартинонинг тайинланишига мени ҳеч қандай алоқам йўқ”

Narzulla Saydullayev
25 июл 2013, 10:06
“Барселона” ҳужумчиси Лионель Месси аргентиналик Херардо Мартинони жамоа бош мураббийлигига тайинланишига унинг ёрдами бўлганлиги ҳақидаги маълумотга аниқлик киритди.
“Херардо Мартинонинг тайинланишига мени ҳеч қандай алоқам йўқ. Мен бу қарорни тушунтирмоқчи эмасман. Бу ишлар билан раҳбарият шуғулланади”.

“Аммо мен Мартинони яхши мураббий деб ҳисоблашимни айтиб ўтишим мумкин. Уни шахсан танимайман, кўрмаганман ҳам”.

“Мен Мартинонинг тайинланишига ижобий қарайман, чунки у Парагвай терма жамоаси ва “Ньюэллс Олд Бойз” клубида нимага қодирлигини кўрсатди”.

“Умид қиламанки, “Барселона”да ҳам ҳаммаси яхши бўлади. Аммо биз қийин мавсумга тайёрланишимиз керак”, - деди Месси. 

Narzulla SaydullayevМуаллиф
Манба: sports.ru