"Лацио"да мураббий ўзгаради
31 дек 2013 20:58
Янгиликлар

"Лацио"да мураббий ўзгаради

"Лацио" бош мураббийи Владимир Петкович ёзда Швейцария терма жамоасини қабул қилиб оладиган бўлди.

Бразилия майдонларида бўлиб ўтадиган мундиалдан сўнг Швейцария термасининг ҳозирги устози Отмар Хитцфилд термадаги фаолиятини якунлайди. ШФИ (Швейцария Футбол Иттифоқи) эса Хитцфилднинг вориси сифатида, айнан, "Лацио"нинг бош мураббийи вазифасида ишлаб келаётган Петковични кўрмоқда. Томонлар аллақачон келишувга эришишган. Петкович термани 2014 йилнинг ёзида қабул қилиб олади.

Петковичнинг Римдан кетишини билган "Лацио" раҳбарияти ҳам янги бош мураббий қидириш ишларини бошлаб юборган. Римликлар жамоаси янги мураббийи бўлиш учун Мурат Якин энг асосий номзод деб эътироф этилмоқда. Якин айни пайтда Швейцариянинг энг номдор жамоаси саналадиган "Базел"нинг устози сифатида фаолият олиб бормоқда.

Ҳавола :

Манба : fussball.ch

Янгиликларни Телеграмда ўқинг!

Рейтинг: