"Ювентус" ўзининг расмий сайтида ярим ҳимоячи Николо Ровелланинг ижара асосида "Лацио"га кетганини эълон қилди. Шартнома 2 мавсумга мўлжалланган. "Бургутлар"да сотиб олиш имконияти бўлади.
Италиялик футболчи 2021 йилнинг январида 26 миллион евро эвазига "Женоа"дан Турин клубига ўтганди. Ўтган мавсумда у "Монца"да ижарада ўйнади.
21 ёшли ярим ҳимоячи шу кунгача "Ювентус" сафида атиги 3 та ўйин ўтказган.
