Копа Америка-2024. Мусобақанинг энг яхши дарвозабони ва тўпурари аниқланди
15 июл 12:16
Янгиликлар

Копа Америка-2024. Мусобақанинг энг яхши дарвозабони ва тўпурари аниқланди

Уларнинг ҳар иккиси Аргентина вакили.

АҚШда бўлиб ўтган турнирда Аргентина терма жамоаси дарвозабони Эмилиано Мартинес Америка Кубогининг энг яхши дарвозабонига айланди. У 6 ўйиндан 5 тасида ўз дарвозаси дахлсизлигини сақлаб қолди, жумладан, Колумбияга қарши финал (қўшимча вақт 1:0) учрашувида ҳам.

Шунингдек, Мартинес чорак финалда Эквадор билан ўйиндаги пенальтилар сериясида иккита пенальтини қайтарди (1:1, пенальтилар бўйича – 4:2).

Мусобақанинг энг яхши тўпурари Лаутаро Мартинес бўлди. Аргентина терма жамоаси ҳужумчиси турнирнинг 6 ўйинида 5 та гол урди, эътиборлиси, улардан 3 таси ғалаба тўпи эди.

Бугун Колумбияга қарши кечган финалда (1:0) ҳам Лаутаро 112-дақиқада киритилган ягона тўпга муаллифлик қилди.

Ҳавола :

Манба : Championat.asia

Янгиликларни Телеграмда ўқинг!

Рейтинг: +17