UZ

Сўнгги янгиликлар

09:00“Қизилқум” орадан 15 йил ўтиб, яна Самарқандда ғалаба қозонди  0 08:54Хоакин Капаррос Қатар клубида иш бошлади  0 08:40Бернарду Силва: "Гвардиола билан ишлаш имкониятидан воз кечиб бўлмайди"  1 08:29Петр Чех Англия кубоги финалида ўйнамайди  2 08:24Криштиану Роналду кетма-кет 4-йил дунёнинг энг кўп маош олувчи футболчиси бўлди  7 08:16"Навбаҳор": Тўйлар муборак!  10 02:28Ҳамиджон АКТАМОВ: “Ҳар иккала жамоа ҳам чиройли ўйин намойиш этди”  5 01:20Балотелли: "Олтин тўп"ни ютиш учун Месси ва Роналдуни ўлдиришим керак"  11 00:50Александр Хомяков: "Натижадан қониқдим"  0 00:30Рауф Инилеев: «Машъал» бизни бир қўли билан мағлуб этди»   1 00:15ЕЧЛ финали илк бор ёпиқ том остида ўтади  6 23:52"Тоттенхэм" Гонконг клубини мағлуб этди  3 23:25"Шальке" Европа лигаси финалчисига қизиқиб қолди  0 23:15Расмий хабар. Бернарду Сильва "Манчестер Сити"га ўтди  15 22:50Макелеле "Суонси"даги фаолиятини давом эттиради  0

17 ноя 07:56
Янгиликлар

Комилжон Мирзабоев: “Янги мавсумдаги режалармиз улкан”

Якунига етган мавсумни “Нефтчи” жамоаси тўққизинчи ўринда якунлади. Бу натижа албатта жамоа мухлисларга ёқмагани бор гап.
 Хўш, янги мавсумда клубда қандай ўзгаришлар содир бўлиши мумкин? Жамоа кейинги мавсумда қандай натижани кўзламоқда? Шу каби саволларга жавоб топиш мақсадида “Нефтчи” ПФК раиси, Фарғона футболининг жонкуяр раҳбари Комилжон Мирзабоев билан суҳбатда бўлдик.

- Комилжон ака, аввало, “Нефтчи” ўринбосарлари бронза медалини қўлга киритгани билан табриклайман. Сиз бу натижани кутганмидингиз?

- Табрик учун раҳмат. Албатта, мен жамоада иш бошлаганимдан кейин “Нефтчи”нинг имкониятларини чамалаб кўрдим. Ростини айтсам, ўринбосарларимиз ўз олдиларига қўйган вазифани бажаришди. Бу борада жамоа мураббийи Сергей Ковшов ва футболчиларининг саъйи-ҳаракатларини алоҳида эътироф этиш лозим. Улар ҳар бир ўйинда катта ҳажмдаги ишларни амалга оширишди.

- Асосий таркиб вакиллари эса мавсумни у қадар муваффақиятли ўтказа олишмади. Бунинг боиси нимада? Умуман олганда, мавсум сизда қандай таассурот қолдирди?

- Биласизми, мен клубга келганимда жамоа жар ёқасида қолганди. Аста-секинлик билан барча муаммолар бартараф этила бошланди. Жорий мавсумда асосан жамоани шакллантириш йўлида иш олиб бордик. Алабатта, мавсумда яхшироқ натижа қайд этишга ҳаракат қилдик. Аммо кутилмаган мағлубиятлар режаларимизни бардоб қилди.

Таассуротлар ҳақида тўхталадиган бўлсам, мавсум биз учун икки хил ўтди. Аввалига кетма-кет ғалабалар кейин эса мағлубиятлар серияси.

- Сўнгги турдаги мағлубиятлар сабаби нимада?

- Юқорида таъкидлаб ўтганимдек, айрим ўйинларда омадимиз келмади. Футболда омаднинг ўрни беқиёс. Масалан, рақибларимиз дарвозаси олдида кўплаб голга тортадиган вазиятларни яратдик, лекин тўп дарвозага киришни истамади. Аксига олиб, рақибларимиз оддий ҳолатларда тўп киритишди. Бундан ташқари, мавсум якунига келиб кетма-кет совринли ўринлар учун курашаётган жамоалар билан ўйнашимизга тўғри келди.

- Амет Мемет тақдири қандай кечади? Янги мавсумда янги бош мураббий олиб келинадими?

- Янги мураббий борасида гап бўлиши мумкин эмас. Амет Абдуллаевич жамоани қийин аҳволда қабул қилиб олганди ва унга ўзи истаган жамоани шакллантириш учун вақт етишмаганди. Шундай бўлса-да, ушбу мутахассис яхши натижа қайд этишга ҳаракат қилди. Янги мавсумда ҳам Амет Мемет билан ҳамкорликни давом эттирмоқчимиз.

- Кўплаб футболчиларнинг шартномаси якунига етмоқда. Улар билан битим ўзайтириладими? Эҳтимол, янги мавсумда янги футболчилар таркибга келиб қўшилар?

- Шуни айтиш жоизки, шартномаси якунига етаётган футболчиларнинг айримларини жамоада олиб қолмоқчимиз.  30 ёшдан ошган ўйинчилар билан хайрлашишга тўғри келади. Лекин жамоанинг узаги сақланиб қолинади. Қолаверса, яхши натижага эришиш учун таркибимизни тажрибали футболчилар билан тўлдирамиз. Айни дамда кенг кўламли селекция ишлари олиб борилмоқда. Кўз остимизга олиб қўйган кўплаб ўйинчилар бор. Аммо ҳозир уларнинг номини ошкор этмоқчи эмасман.

- Ҳар йили жамоа хорижда йиғин ўтказиш одатга айланган. Бу йил ҳам шундай йиғинлар ўтказиладими?

- Албатта, февраль ойида Туркияда йиғин ўтказиш режалаштирилган.

- Янги мавсумдаги режалар қандай?

- Янги мавсумдаги режаларимиз улкан. Биласиз, фарғоналик футбол мухлислари ҳар доим “Нефтчи”дан яхши натижа кутишади. Мақсадимиз жамоанинг олдинги салоҳиятини тиклаш. Бу борада ҳар қандай қийинчликларни енгиб ўтишга тайёрмиз. Бир сўз билан айтганда, доимо изланишдамиз.

- Ўринбосарлар таркибида ҳам ўзгаришлар бўладими?

- Ҳа, бу йил ўринбосарлар сафида тўп сурган уч нафар футболчи – Отабек Зокиров, Умид Қодиров ва Достон Турсунзодалар асосий таркибга қўшилишади.  Ўринбосарлар таркибида эса асосан 1994-1996 йилда туғилган ўсмирлар ҳаракат қилишлари эҳтимолдан ҳоли эмас.

Аброр Деҳқонов суҳбатлашди
Рейтинг:    

Фикрлар

< сўнгги янгиликларни кўриш

Энг яхшилар

Олий лига. 12-тур. Бугунги барча ўйинлар ўз ниҳоясига етди Олий лига. 12-тур. Бугунги барча ўйинлар ўз ниҳоясига етди
Бугун юртимизнинг беш стадионида олий лиганинг 12-туридан ўрин олган...  104
"Малага" "Реал"га ўйинни сотганмиди? (видео) "Малага" "Реал"га ўйинни сотганмиди? (видео)
Бир неча кун олдин "Малага" ҳамда "Реал"...  88
"Манчестер Юнайтед" - Европа лигаси ғолиби! ФОТО + ВИДЕО "Манчестер Юнайтед" - Европа лигаси ғолиби! ФОТО + ВИДЕО
Европа лигаси финали доирасидаги "Аякс" - "Манчестер...  89
Европа лигаси. Бугун финал! Европа лигаси. Бугун финал!
Бугун Европа лигаси мусобақасининг ҳал қилувчи учрашуви бўлиб ўтади.  51
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: