Bu nomga "Everton" forvardi Dominik Kelvert-Lyuin munosib deb topildi. Hujumchi APL doirasidagi 3ta o'yinda maydonga tushib, 5ta gol urishga erishdi.
23 yoshli o'yinchi bundan oldin Angliya terma jamoasidagi debyut o'yinida dubl qayd etgan edi. U joriy mavsum klub va terma safida umumiy 7ta o'yinda maydonga tushib, 10ta gol urishga erishdi.
Mukofot uchun shuningdek quyidagilar davogarlik qilishgan edi: Patrik Bemford (Lids), Xames Rodriges (Everton), Timoti Kastan, Jeymi Vardi (ikkisi ham – Lester), Xarri Keyn (Tottenxem), Tarik Lempti (Brayton) va Sadio Mane (Liverpul).
