Keling biz ham saytimiz orqali ushbu klub stadioniga sayohat uyushtiramiz.

Stadionda 3ta asosiy kirish-chiqish yo'li bor va ularning har birida kassa mavjud. Chiptalarni kassa yoki elektron avtomatlarda xarid qilishingiz mumkin. Narxlar 17dan 23 evrogacha (23 evro kattalar uchun standart narx). Chiptaga qo'shimcha ravishda audiogid ham sotiladi, ushbu audiogidning xatto rus tilidagi varianti bor.

Chiptani xarid qilasiz, turniketdan o'tasiz va salom "Barselona", salom "Kamp Nou".

Muzeyning birinchi qismida "Barsa" tomonidan qo'lga kiritilgan barcha kubok va sovrinlar turadi. Bu erda klubning eng birinchi va eng so'nggi muvaffaqiyatlarining sovrinlari mavjud. To'plar, eski formalar, chiptalar va butsalar ushbu muzeydan joy olgan.

Muzeyda Messi va uning muvaffaqiyatlari haqida alohida bir bo'lim bor. Bu muxlislar eng ko'p suratga tushadigan muzeyning ikkinchi qismi hisoblanadi.

Keyingi bo'limlarda "Barselona"ning xokkey va basketbol jamoalari muvaffaqiyatlari ko'rsatilgan, ammo odamlar u erda juda kam to'xtashadi.

Klubning tarixi bilan tanishganingizdan so'ng, yo'lakcha bo'ylab Yevropaning eng katta stadioni tribunasiga chiqasiz. Ushbu joyni birinchi marotaba o'z ko'zi bilan ko'rgan insonlarning hayratini so'z bilan tasvirlab berish qiyin.

Tribunada biroz dam olib, suratga tushish mumkin. Yirik o'yinlardan so'ng stadionga kelib, jim-jitlikka guvoh bo'lish juda o'zgacha. Sayohatni davom ettiramiz va bu safargi manzilimiz kiyinish xonasi, ammo siz faqat mehmon jamoaning kiyinish xonasini ko'zdan kechira olasiz, mezbonlarnikiga hech kim kiritilmaydi.

Stadionda ko'pchilik bilmaydigan bir joy bor. Bu xona nimaga mo'ljallanganligini tushungan bo'lsangiz kerak.

Yo'limizda davom etamiz va yo'lak bizni tonnel orqali maydonga olib chiqadi. Har mavsum oldidan tonnel devorlaridagi suratlar o'zgartiriladi.

Tasavvur qiling siz futbolchisiz va "Barselona" madhiyasi ostida maydonga chiqib kelyapsiz. Maydonga chiqishingiz bilan zaxira o'rindig'iga duch kelasiz. Uning tepasida esa vip va oddiy sektorlar bor.

Bundan so'ng stadionning eng yuqori qismiga ko'tarilishingiz mumkin, bu erda turli davlatlardan kelgan sharhlovchilar o'z tilida "Barselona" o'yinlarini sharxlaydi.

Sayohatimizni davom ettiramiz. Muzeyning interaktiv qismiga o'tamiz. U erda mavsumning eng yorqin o'yinlarini va suratlarini ko'rishingiz mumkin bo'ladi.

Va nihoyat so'nggi manzil va u erda "Kamp Nou"ning rekonstrukciyadan so'ng qanday tuzilishi ko'rsatilgan. Reja bo'yicha qurilish 2017 yilning o'rtalarida boshlanib, 2021 yilda yakunlanadi. Futbol, basketbol, futzal maydonlari yangilanadi. "Kamp Nou" tomga ega bo'ladi, yangi joylar o'rnatiladi, eskalator va boshqa zamonaviy texnologiyalar qo'llaniladi.

Muzeydan chiqish sizni klub do'koniga elitadi. Bunday marketing uslubi deyarli Yevropaning barcha klublarida qo'llaniladi.

"Kamp Nou" bo'ylab sayohat