Ma'lum bo'lishicha, Italiya terma jamoasi sobiq futbolchisi Sebastian Jovinkoning agenti bilan “Fenerbahche” klubi vakillari uchrashuv o'tkazgan. Unda futbolchining turk klubiga o'tish masalasi muhokama qilingan.
33 yoshli futbolchining so'nggi klubi “Al-Hilol” bo'lib turibdi. Jovinko Saudiya Arabistoni klubi safida joriy mavsum barcha musobaqalar doirasida 25 ta o'yinda 6 ta gol urdi va 8 ta golli uzatma berdi. Uning Ar-Riyod klubi bilan shartnomasi 2021 yilga qadar tuzilgan.
