"As" нашрининг хабарига кўра, машҳур агент Жорже Мендеш "қироллик клуби"га Жозе Моуриньюнинг қайтишини таклиф қилган.
Мендеш "Мадрид" раҳбариятига ҳозирда "Бенфика"ни бошқараётган 63 ёшли португалиялик мутахассиснинг шартномасидаги товон пули миқдори ҳақида ҳам маълумот берган. Бироқ Моуринью ягона номзод эмас. Сўнгги кунларда "қаймоқранглилар"га бир қатор топ-мураббийларнинг хизматлари таклиф этилди:
Маурисио Почеттино (АҚШ терма жамоаси);
Юлиан Нагельсманн (Германия терма жамоаси);
Массимилиано Аллегри ("Милан");
Юрген Клопп (ҳозирда ишсиз);
Дидье Дешам (Франция терма жамоаси).
Қизиғи шундаки, баъзи таклифлар ҳатто мураббийларнинг вакилларидан эмас, балки учинчи томонлардан келиб тушган.
Ҳозирда "Реал"нинг асосий мақсади — мавсумни имкон қадар яхшироқ натижа билан якунлаш. Арбелоанинг келажаги эса кейинги ойда бўлиб ўтадиган йиғилишда ҳал қилинади.
