JCH-2022. Xorvatiya - Braziliya 1:1

Gollar: Neymar 105+1' (Lukas Paketa), Bruno Petkovich (Mislav Orshich) 117'

Xorvatiya: 1. Dominik Livakovich, 22. Yosip Yuranovich, 6. Deyan Lovren, 20. Yoshko Gvardiol, 19. Borna Sosa (17. Ante Budimir 110'), 10. Luka Modrich, 11. Marselo Brozovich (18. Mislav Orshich 114'), 8. Mateo Kovachich (7. Lovro Mayer 116'), 15. Mario Pashalich (13. Nikola Vlashich 72'), 9. Andrey Kramarich (16. Bruno Petkovich 72'), 4. Ivan Perishich.
Zaxira: 12. Ivo Grbich, 23. Ivica Ivushich, 2. Yosip Stanishich, 3. Borna Barishich, 5. Martin Erlich, 14. Marko Livaya, 21. Domagoy Vida, 24. Yosip Sutalo, 25. Luka Suchich, 26. Kristiyan Yakich.
Braziliya: 1. Alisson, 14. Eder Militao (6. Aleks Sandro 116'), 4. Markinos, 3. Tiago Silva, 2. Danilo, 7. Lukas Paketa (8. Fred 116'), 5. Kazemiro, 11. Rafinya (19. Antoni 51'), 10. Neymar, 20. Vinisius Junior (21. Rodrigo 64'), 9. Risharlison (25. Pedro 84').
Zaxira: 12. Veverton, 23. Ederson Moraes, 13. Daniel Alves, 15. Fabino, 17. Bruno Gimaraynsh, 22. Everton Ribeyro, 24. Gleyson Bremer, 26. Gabriel Martinelli.
Ogohlantirishlar: Danilo 25', Marselo Brozovich 31', Kazemiro 68', Markinos 77', Bruno Petkovich 117'

XORVATIYA - YARIM FINALDA!

4:2. Navbat - Markinosga! Biroq uning zarbasi golga aylanmadi!

4:2. Navbat - Mislav Orshichga! Uning ham zarbasi golga aylandi!

3:2. Navbat - Pedroga! U ham darvozani aniq nishonga ola bildi!

3:1. Navbat - Modrichga! Uning ham zarbasi golga aylandi!

2:1. Navbat - Kazemiroga! Zarba va gol!

2:0. Lovro Mayerning zarba va gooooooooool!

1:0. Rodrigoning zarbasini Livakovich qaytardi va hisob o'zgarmadi!

1:0. Birinchi zarba - Xorvatiyadan. To'p oldida Vlashich! Zarba va gol!

Penaltilar seriyasi boshlandi!

120+2. O'yin yakunlandi! Navbat penaltilar seriyasiga!

120. Qo'shimcha bo'limlarning ikkinchisiga 2 daqiqa qo'shib berildi.

119. Xo'sh, navbat penaltilar seriyasigami?

Mislav Orshich chap qanotdan to'pni markazroqqa - Petkovichga uzatdi, uning darvoza tomon bergan zarbasi rekoshet bo'lib, golga aylandi!

117. GOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL! Petkovich hisobni tenglashtirdi!

116. O'yin vaqti yakuniga yetib bormoqda. To'rtinchi bo'limda xavfli hujum yuzaga kelmadi.

108. Xorvatiya anchagina faol endi. Ular hisobni tenglashtirish uchun bor kuchlari bilan harakat qilmoqda.

106. To'rtinchi bo'lim boshlandi.

105+3. Qo'shimcha vaqtlarning dastlabkisi yakunlandi.

Ajoyib kombinaciya! Fred, Neymar, Paketaning ajoyib kombinaciyasi Xorvatiya himoyasini yorib kira oldi. Yakunda Neymar gol urdi!

105+1. GOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL! Neymar uchrashuvda hisobni ochdi!

103. Petkovich ajoyib tarzda Braziliya jarima maydonchasiga kirdi, to'pni markazroqdagi Brozovichga uzatdi, uning darvoza tomon bergan zarbasi esa anchagina noaniq bo'ldi.

102. Mateo Kovachich raqib jarima maydonchasi ichiga ajoyib kirib bordi, biroq hujum xavfli tus olmadi.

101. Pedro o'ziga uzatib berilgan to'pni ajoyib tarzda darvozaga yo'lladi, biroq "to'p oyoqqa tushmadi".

99. Rodrigo to'pni jarima maydonchasi tomon uzatdi. Biroq yakuniy zarbani beradigan futbolchi topilmadi.

96. Danilo va Rodrigo o'zaro kombinaciya tashkil qildi. Chap qanotdan to'pni Danilo havolatib uzatib berdi, biroq yakuniy zarbani beradigan futbolchi topilmadi.

91. Qo'shimcha bo'limlarning birinchisiga start berildi.

Navbat qo'shimcha bo'limlarga

90+. O'yinning asosiy vaqti yakunlandi va unda hisob ochilmadi.

85. Xorvatiyada ham, Braziliyada ham ko'plab vaziyatlar yuzaga keldi. Biroq ijrochilar vaziyatlardan unumli foydalana olmayapti.

76. Neymar darvozabon bilan birga-bir vaziyatga chiqib borib, zarba berdi, Livakovichdan ajoyib seyv!

66. ZARBA! Paketa bir himoyachidan o'tib darvoza tomon zarba berdi, Livakovich katta qiyinchilik bilan qaytardi!!!

55. Neymar jarima maydonchasiga kirib borib, darvoza tomon zarba berdi, Livakovich to'pni ajoyib tarzda qaytardi.

48. Ehtimoliy penalti holati VAR orqali ko'rib chiqildi. Ushbu vaziyatda o'yindan tashqari holat bo'lgan deb topildi.

46. Ikkinchi bo'lim boshlandi.

45+1. O'yinning dastlabki bo'limi yakunlandi.

45. Birinchi bo'limga 1 daqiqa qo'shib berildi.

42. Neymarning jarima zarbasidan yo'llagan to'pini Livakovich qiyinchilik bilan ushlab oldi.

40. Birinchi bo'limning qirq daqiqasi o'tdi. Maydonda "ochiq o'yin" ketmoqda. Har ikki terma jamoa ham navbati bilan hujumlar tashkil qilishga intilmoqda.

30. Perishichning uzoq masofadan yo'llagan zarbasi anchagina noaniq ketdi.

23. Kazemironing darvoza tomon yo'llagan zarbasi rekoshetga uchrab maydonni tark etdi.

21. Navbatdagi zarba Neymardan! Uning darvoza tomon tepgan to'pini Livakovich qaytardi.

20. Braziliyadan ajoyib hujum. Viniusning zarbasini himoyachilar qaytardi.

13. Endi oldinga o'tish navbati xorvatlarda. O'ng qanotdan uzatilgan to'pga Perishich zarba bera olmadi.

9. Braziliyaliklar anchagina faol. Terma jamoaning uyushtirayotgan qator hujumlari hozircha xavfli tus olmayapti.

5. Vinisius Junior uchrashuvdagi ilk zarbani yo'lladi. To'pni darvozabon ushlab oldi.

1. O'yin boshlandi!

Ikki davlat madhiyasi yangramoqda.

Har ikki terma jamoa vakillari maydonga chiqib kelishdi.

- Uchrashuv Toshkent vaqti bilan 20:00 da boshlanadi.

JCH-2022. Xorvatiya penaltilar seriyasida Braziliyani mag'lub etib, yarim finalga yo'l oldi