Англия терма жамоаси "фэйр-плей" совринини қўлга киритди. Жамоа 5 ўйинда фақат 1 та сариқ карточкага лойиқ кўрилди.
"Олтин бутса"га Франция ҳужумчиси Килиан Мбаппе (8 та гол, 2 та узатма), "Кумуш бутса"га Аргентина сардори Лионель Месси (7 та гол, 3 та узатма), "Бронза бутса"га Франция форварди Оливье Жиру (4 та гол) эга чиқди.
"Олтин қўлқоп"ни Аргентина термаси посбони Эмилиано Мартинес ютди. "Астон Вилла" дарвозабони ўйиндан кейинги пенальтилар сериясида Нидерландия билан баҳсдаги сингари 2 та зарбани қайтаришга эришди.
Мусобақа "Олтин тўп"и Лионель Мессига берилди, "Кумуш тўп" Килиан Мбаппе, "Бронза тўп" эса Лука Модричга тегди.
"Энг яхши ёш футболчи" соврини Энцо Фернандесга насиб этди. 21 ёшли Фернандес ЖЧ доирасидаги 7 та ўйинда 1 та гол урди ҳамда 1 та голга ассистентлик қилди.
