69 yoshli Ventura boshchiligidagi Italiya 60 yilda ilk bor Jahon chempionatiga chiqa olmadi. Dushanba kuni italyanlar Shvetsiya bilan o'z maydonida 0:0 o'ynab mundialga chiqa olishmadi. Ilk o'yinda Shvetsiya 1:0 hisobida zafar quchgandi.
Venturaning amaldagi shartnomasi 2020 yilga qadar mo'ljallangan edi. Shartnoma buzilgani uchun murabbiyga €700 ming tovon puli beriladi. Ventura 2016 yildan buyon Italiya bosh murabbiyi sifatida ishlab kelayotgandi. Uning qo'l ostida "Skuadra Adzurra" 9ta g'alaba, 4ta durang va 3ta mag'lubiyat qayd etdi.
