Испания ОТЖ футболчилари: "Токио-2020дан тугалланмаган ишимиз бор. Мақсадимиз - олтин медал"

"Барселона" ва "Болонья" клуби футболчилари Эрик Гарсия ва Хуан Мирандалар Испания олимпия терма жамоаси билан Париж Олимпиадасида иштирок этади. Ушбу футболчилар учун бу иккинчи Олимпиада бўлади. Гарсия ва Миранда уч йил аввалги Олимпиадада ҳам иштирок этишганди ва Испания терма жамоаси билан кумуш медалларни қўлга киритишган эди.

Икки футболчи кетма-кет иккита Олимпия ўйинларида иштирок этган футболчилар сифатида рекорд қайд этиш арафасида. Ушбу ҳолат бўйича футболчиларнинг фикри эса қуйидагича.

"Бундай натижа қайд этиш биз учун шараф. Санти менга қўнғироқ қилганида, бир сония ҳам ўйлаб ўтирмадим. Мен рози эдим. Дастлабки Олимпиадам менга жуда ажойиб бўлган эди. Бу қандайдир уникал ва тасвирлаб бўлмас ҳиссиёт. Олимпия шаҳарчасида яшаш ва ўз кумирларингнинг ёнида ўтириш бу жуда ажойиб" - дейди Хуан Миранда

"Олтин медаль. Фақатгина олтин. Токиода тугалланмай қолган ишимиз бу сафар якунлашимиз керак. Совриндор бўлиш яхши, аммо бизга олтин медаль керак" - дея фикр билдирди ҳимоячи Эрик Гарсия