12 июл 12:37
Янгиликлар

Илҳом Суюнов 15 июлдан "Локомотив" машғулотларига қўшилади!

2003 йил Муборакнинг "Машъал" жамоаси сафидан "Пахтакор"га келиб қўшилган Илҳом Суюнов пойтахтликлар сафидаги 10 йиллик фаолиятини якунлагани ҳақида хабар берган эдик.

Маълум бўлишича, Суюнов "Локомотив" раҳбарлари билан келишувга эришган ва иккинчи даврани "темирйўлчилар" сафида бошлашга жуда яқин турибди. Тажрибали ҳимоячига "Нефтчи" ва "Динамо" жамоалари ҳам жиддий тарзда қизиқиш билдиришган эди. Футболичининг ўзи эса собиқ жамоадошлари билан бирга бўлишни маъқул кўрган кўринади. Суюнов учун "Локомотив" футболчилари бегона эмас.

15 июлдан "Локомотив" иккинчи давра тайёргарлигини бошлаб боради. Айнан шу кундан бошлаб Илҳом Суюнов янги жамоаси сафидаги дастлабки машғулотларда иштирок этади.

Эслатиб ўтамиз, "Локомотив" жамоасининг чап қанот ҳимоясида Шерзод Шарипов ва Салим Мустафоев ҳаракат қиладилар.

Ҳавола :

Манба : championat.asia

Энди янгиликлар телефонингизга келади. Телеграмдаги каналимизга улансангиз бўлгани.

Рейтинг: