UZ

Сўнгги янгиликлар

02:54ЕЧЛ. "Лион" - "Барселона" баҳсида ҳам гол киритилмади  76 02:51ЕЧЛ. "Ливерпуль" - "Бавария" учрашувида ҳисоб очилмади  100 00:55"Аль-Наср" - "Пахтакор" 1:2   8 00:45Olamsport: МакГрегор ҳали шартнома имзоламаган, боксчиларимиз халқаро турнирга жўнаб кетишди ва бошқа хабарлар  0 00:39"Ал Насср" - "АГМК" 4:0   4 00:06 ЕЧЛ. "Лион" - "Барселона" учрашувининг асосий таркиблари билан танишинг!  68 00:00ЕЧЛ. "Ливерпуль" - "Бавария". Асосий таркиблар маълум!  63 23:52Левандовски: "Мухлислар бизга қарши бўлишади, лекин шундай муҳит бизни фақат руҳлантиради"  12 23:35Уч кундан сўнг "Пахтакор" янги футболчи трансферини эълон қилади  86 23:24Юрген Клоппнинг "Бавария" жамоасига қарши статистикаси  20 23:07"Локомотив" гуруҳига плей-оффдан "Ар Райан" чиқди. "Пахтакор" эса "D" гуруҳидан жой олди  38 22:48ЕЧЛ. Енгилмас "Ливерпуль" бугунги ўйинда ҳам серияни давом эттира оладими?  22 22:45Шота Арвеладзе: "ОЧЛ гуруҳ босқичида яхши иштирок этиш учун барча имкониятларимизни ишга соламиз"  43 22:42Миржалол Қосимов: "Рақиб ҳақли равишда ғалаба қозонди"  50 22:36Карикатура: МЮ билан баҳсдаги мағлубиятда ким айбдор?  3

Илҳом Мўминжонов: "Чемпионлик учун кураш давом этади" Янгиликлар

Илҳом Мўминжонов: "Чемпионлик учун кураш давом этади"

Суперлиганинг 18-тури доирасидаги "Бунёдкор" - "Навбаҳор" (2:1) учрашувидан кейин ташкил этилган матбуот анжуманининг дастлабки қисмида меҳмонлар вакиллари иштирок этишди.

Илҳом Мўминжонов ("Навбаҳор" бош мураббийи): - Аламли мағлубиятга учрадик. Бу футбол. "Бунёдкор"га қарши ўйинда омадимиз кулиб боқмади. Ишлашда давом этамиз. Келаси ўйин яна кучли рақиб - "Пахтакор"га қарши бўлади. Чемпионат етакчиси "Пахтакор" билан бўладиган учрашувга жиддий тайёргарлик кўрамиз. Ҳар бир хатолар устида ишлаб, керакли хулосаларни чиқарамиз.

- "Навбаҳор" чемпионлик учун курашаётган жамоа. Аммо чемпионликни мақсад қилган ва бу вазифани бажаришга интилаётган жамоа учун тўққизта сафар учрашувларида қўлга киритилган иккитагина ғалаба кам эмасми? Жамоа нега меҳмонда ўйнай олмаяпти?

- Албатта кам. Ўйинлар ҳали олдинда. Чемпионлик йўлида ҳали бизда яна 14та ўйин мавжуд. Келгусида сафар учрашувларида ҳам керакли очколарни жамғаришга, ғалаба қозонишга ҳаракат қиламиз. "Навбаҳор"даги мавжуд таркиб билан чемпионлик учун максимал куч сарфлаган ҳолда курашни охиригача олиб борамиз. Уй ўйинларими ёки сафардаги баҳсларми фарқи йўқ, доим ғалаба учун курашамиз. Чемпионлик йўлидаги кураш давом этади.

- "Навбаҳор"да тўртта легионер бор. "Бунёдкор"га қарши ўйинда асосий таркибдан фақатгина биргина легионер ўрин олди...

- Биз машғулотларда футболчиларнинг ҳолатларидан келиб чиқиб бошланғич таркибни аниқлаймиз. Балки кейинги учрашувларда уларнинг ҳаммаси асосий таркибдан ўрин олишлари мумкин.

- Ботирали Эргашев умуман кўринмай қолди. Таркибда ҳам йўқ, учрашув қайдномаларида ҳам номи қайд этилмаяптими?

- Жароҳат туфайли ҳозирча Ботирали Эргашев сафда эмас. Биринчи даврада олган жароҳати ҳали тузалгани йўқ. Қачон сафга қайтиши номаълум.

"Навбаҳор" таркибида "Бунёдкор"га қарши ўйинда энг яхши футболчи деб топилган Даврон Ҳошимов ҳам ўз фикрларини билдириб ўтди.

"Бизни оғир ўйин кутиб турганини билардик. Пойтахт жамоалари, хусусан "Бунёдкор" чемпионлик учун курашаётган кучли рақиб. Мураббийлар штаби томонидан берилган барча кўрсатмаларни қўлдан келганича бажаришга ҳаракат қилдик. Бизга бироз тажриба етишмагани панд берди. Шунингдек, омад ҳам биз томонда бўлмади. Бу мағлубият жамоани руҳий тушкунликка тушириб қўймаслиги керак. Чунки бизни олдинда жуда муҳим ва кучли жамоага қарши ўйин кутмоқда. "Пахтакор"га қарши қаттиқ тайёргарлик кўрамиз. Намангандан келиб бизни қўллаб-қувватлаган ишқибозларга ташаккур билдираман", - деди Даврон Ҳошимов.

Рейтинг: +6   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг