"Жамоадаги ички муҳит яхши. Туркиядаги ўйинда ҳам жамоа ёмон ҳаракат қилмади деб ўйлайман. Улар Европанинг кучли жамоаларидан бири ҳисобланишади. Олдинда турган ўйинларга жиддий тайёргарлик кўряпмиз. КХДР ва Сурияга қарши баҳсларда мухлисларни хурсанд қилмоқчимиз.
Ушбу йиғин давомида бош мураббий мени ўзим учун қулай бўлган марказда ўйнатмоқчи. Клуб ва терма жамоадаги вазифам деярли ўхшаш. Чунки, ҳар иккисида ҳам схема бир ҳил.
Ўйин сифати? Бу борада бирор бир гап айта олмайман. Чунки, мутахассис эмасман. Терма жамоа либосини кийганимда боримни бериб ўйнашга ҳаракат қиламан. Бу бўйича Мистер Купер жавоб бера олади.
Эктор Купер томонидан йўлга қўйилган янгилик? Интизом. Мураббий интизомни биринчи ўринга қўяр экан. Ўйлайманки, бу яхши жиҳат. 100 фоиз ҳаракат қилсак, ушбу мураббий билан жаҳон чемпионатига чиқсак бўлади. Тўғри, натижаларимиз у қадар яхши эмас. Осиё кубогида ҳам Австралияга қарши яхши ўйнагандик. Бироз омад етишмади. Ўшанда ғалаба қозонганимизда балки финалгача етиб борардик", - деди Икром Алибоев championat.asia сайти муҳбири билан суҳбатда.
