Ҳамиджон Актамов: "Футбол шуниси билан қизиқ"
11 мар 2021 23:11
Янгиликлар

Ҳамиджон Актамов: "Футбол шуниси билан қизиқ"

Суперлиганинг 1-туридан ўрин олган "Қизилқум" - "Андижон" (1:0) учрашувидан кейин мезбонлар бош мураббийи Ҳамиджон Актамов ўз фикрларини билдирди.

- Биринчи ўйиндаги ғалаба билан табриклаймиз. Ўйин ҳақида фикрларингиз?
- Авваламбор Ассалому алайкум. Раҳмат табрик учун. Навоийдаги барча мухлисларни ғалаба билан табриклайман. Ҳар доим биринчи ўйин қийин бўлган. Ҳаммада ҳаяжон бўлади. Шукурки ғалабага эришдик. "Андижон" ҳам яхши жамоа, уларга кейинги ўйинларда омад тилаймиз. Чиройли ўйинда 3 очкони олиб мавсумни ғалаба билан бошладик.

- Элгужа Григалашвили захирада қолдирилди. Кейинги ўйинда уни майдонда кўрамизми?
- Озгина жароҳати бор. Агар кейинги баҳсга тайёр бўлса майдонга тушади.

- Ислом Тўхтахўжаевнинг ўйинига қандай баҳо берасиз?
- Тўхтахўжаев яхши ўйнади. Ҳамма яхши ўйнади. Яна гол уришимиз ҳам мумкин эди, гол ўтказишимиз ҳам мумкин эди. Футбол шуниси билан қизиқ.

- Клуб олдига бу мавсум қандай мақсад қўйилган?
- Футболда ютқазмасликни мақсад қилганмиз.