Ҳамиджон Актамов: "Дурангга рози эмасман. Икки очко йўқотдик"

- Футболчиларим яхши ўйин кўрсатишди. Берилган кўрсатмаларни бажаришди. Омад биздан юз ўгирди. Умуман олганда ўйинни назорат қилдик. Ўйиндан ўйинга сифат яхшиланиб бормоқда. Бугун 2 очко йўқотдик. Аммо кейинчалик буни чиқариб оламиз. Бу футбол. Бугунги ўйин билан мен дурангга рози эмасман. Ютишимиз керак эди. "Сўғдиёна" ҳам яхши ўйин кўрсатди, яхши ҳимояланди. Бироқ уларга қараганда бизнинг ўйинимиз яхшироқ чиққанди.

- Рақибдан шундай қаршилик кутганмидингиз?
- Билардим. Шу боисдан кўпроқ ҳужумлар қилдик. Дарвозабон кўп ҳолатларда жамоасини голлардан сақлаб қолди.

- Матэ Ватцадзе бугун икки вазиятдан фойдалана олмади. Ушбу вазиятлар ҳақида нима дея оласиз?
- У ҳам вазиятни гол деб ўйлади. Баҳона қилмайман. Яхши ўйин бўлди, томошабоп ўйин бўлди. Жамоанинг ўйини яхшиланиб бораётганидан хурсандман. Ҳали олдинда ўйинлар жуда кўп. Йўқотилган очколар ўрнини қоплай оламиз.

- Кухианидзенинг дастлабки уч турдаги ўйинига қандай баҳо бера оласиз?
- У ҳам ўзининг ишини бажармоқда. Унинг вазифаси кўпроқ қора ишларни бажариш ҳисобланади. Шу сабабли уни етакчи бўлиб олди дейиш қийин.