Гётце "Боруссия" таркибида бошқа майдонга тушмайди, у Испанияга йўл олиши мумкин
23 июн 16:37
Янгиликлар

Гётце "Боруссия" таркибида бошқа майдонга тушмайди, у Испанияга йўл олиши мумкин

Дортмунднинг "Боруссия" клуби ярим ҳимоячиси Марио Гётце ортиқ жамоа сафида майдонга тушмайди.

Гётце 1 июлдан эркин агентга айланади. Хабарларга кўра, унга "Атлетико" қизиқмоқда, аммо испан клуби коронавирус пандемияси туфайли юзага келган оғир молиявий вазият туфайли немис футболчисига фақатгина 2 миллион евро тўлашга тайёр. Гётце ҳозирда йилига 10 млн евро маош олади.

28 ёшли германиялик Бундеслига доирасидаги "Хоффенхайм"га қарши ўйин (27 июнь) учун қайдномага кирмади, 6 июнь куни муддатидан олдин унинг ўғли туғилди ва Гётце оиласи билан бирга бўлишни муҳимроқ деб билди. Шундай экан Гётце "арилар" сафидан бошқа майдонга тушмайди.

Гётце тез-тез шифохонага боргани учун тиббий қоидаларга амал қилмади. Шу сабабли у жамоадошлари билан машғулот ўтказиши мумкин эмас, ҳозирда якка тартибда машғулот олиб бормоқда.

Хавбек жорий мавсум "Боруссия" сафида Бундеслига доирасидаги 15та ўйинда майдонга тушиб, 3та гол уришга эришган.

Ҳавола :

Манба : Bild

Янгиликларни Телеграмда ўқинг!

Рейтинг: +3