"Bild" хабарига кўра, Дортмунднинг "Боруссия"си ҳужумкор ярим ҳимоячиси Марио Гетце келаси мавсумда жамоа таркибида ўйнамайди. 1 июль кунида хавбек клуб билан шартномаси якунланади ва эркин агентга айланади.
Қайд этилишича, Гетцега айни дамда "Атлетико" ҳам даъвогарлик қилмоқда. Бироқ пандемия инқирози сабабли мадридликлар унга йилига 2 млн евро маош тўлай олишини маълум қилган. Ҳозирда у йилига 10 млн евро маош олмоқда. Уни ҳозирда "Милан" ҳам кузатиб бормоқда.
Ушбу мавсумда Гетце Бундеслиганинг 15 ўйинида 3 гол урди.
